LeBron James yaciye kuri Michael Jordan mu gutsinda amanota menshi muri NBA

Yanditswe na IGIHE
Kuya 7 Werurwe 2019 saa 02:37
Yasuwe :
0 0

LeBron James yaciye kuri Michael Jordan, mu gutsinda amanota menshi muri shampiyona ya Basketball, NBA, aho yagiye ku mwanya wa kane mu bamaze kuyitsindamo menshi.

Aya mateka yayakoreye mu mukino ikipe ye ya LA Lakers, yatsinzwemo na Denver Nuggets, amanota 115 kuri 99.

Muri uyu mukino James w’imyaka 34 yatsinze amanota 31, bituma agwiza amanota 32,311. Bivuze ko yaciye kuri Jordan watsinzemo 32,292.

Ibi abigezeho mu mikino 1 190 ugereranyije na Jordan wabigezeho mu mikino 1 072.

Kareem Abdul-Jabbar, Karl Malone na Kobe Bryant, nibo batsinze amanota menshi muri NBA, kurenza LeBron James.

Kareem Abdul-Jabbar yatsinze amanota 38,387 hagati ya 1969-1989, Karl Malone yatsinze amanota 36,928 hagati ya 1985-2004, naho Kobe Bryant atsinda 33,643 hagati ya 1996-2016.

James wavukiye muri Ohio, mu 2003-2010 yakiniraga Cleveland Cavaliers, ayivamo ajya muri Miami Heat ayikinira mu 2010-2014, asubira muri Cleveland Cavaliers, ayivamo mu 2018 yerekeza muri Los Angeles Lakers, ku masezerano y’imyaka ine ahagaze miliyoni 154 z’amadolari.

Yatwaye ibikombe bya NBA bitatu, harimo bibiri yatwaye akinira Miami Heat mu 2012 na 2013 n’ikindi yatwaye akinira Cleveland Cavaliers mu 2016. Yakinnyi finali za NBA umunani ndetse aba umukinnyi mwiza inshuro enye.

LeBron James yagiye ku mwanya wa Kane mu bamaze gutsinda amanota menshi muri NBA

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza