Ku wa Gatandatu, tariki 4 Gashyantare 2023 nyuma yo gutsindwa na New Orleans Pelicans amanota 131-126, LeBron yabajijwe niba yakwishimira kubona Irving mu ikipe ye, maze asubiza atazuyaje ko abonetse baba biyongereye amahirwe yo kwegukana igikombe cya shampiyona.

Yagize ati “Nubwo ikibazo atari njye kigenewe, ariko Irving ni umukinnyi mwiza wadufasha, ndumva twaba twiyongereye amahirwe yo kwegukana igikombe cya shampiyona.”

Irving w’imyaka 30, aherutse gusaba ikipe ye ya Brooklyn Nets gutandukana na yo. Amakuru avuga ko ashobora guhita abisikana na Russell Westbrook wahita werekeza muri Brooklyn Nets.

Mu gihe Irving yakwerekeza muri Lakers yakongera gukinana na LeBron babanye muri Cleveland Carveries, baje no guhesha igikombe cya shampiyona mu 2016.

Uyu musore kandi azwiho gutsinda amanota menshi kuko abarirwa 27 ku mukino.

LeBron James yatangaje ko ikipe ye ya Lakers ibonye Kyrie Irving yaba igize amahirwe menshi yo kwegukana igikombe cya shampiyona

Kyrie Irving ashobora gusanga LeBron bakinanye muri Cavs mu 2016