Henry Mwinuka yatandukanye na Patriots BBC nyuma y’imyaka ine

Yanditswe na Eric Tony Ukurikiyimfura
Kuya 25 Ukwakira 2019 saa 11:52
Yasuwe :
0 0

Uwari umutoza mukuru wa Patriots BBC, Umunya-Tanzania Henry Mwinuka yamaze gutandukana na yo, aho bivugwa ko ashobora kugirwa umutoza mukuru wa REG BBC zihanganye cyane muri iyi minsi.

Henry Mwinuka yageze muri Patriots BBC mu 2015 ubwo yari aje gusimbura Kalima Cyrille wari umaze kwegura.

Nk’uko byemejwe na Patriots BBC ibinyujije ku rubuga rwa Twitter, yavuze ko Mwinuka wari umutoza wayo mukuru, yamaze gutandukana na yo.

Iti” Bidasubirwaho. Henry Mwinuka ntakiri umutoza wa Patriots BBC ariko azahora ari ambasaderi wacu.”

Mu myaka ine yari amaranye na Patriots BBC, Mwinuka yayihesheje igikombe cya Shampiyona mu 2016, irushanwa ryo kwibuka n’irushanwa ry’Intwari.

Mu 2017, batwaranye igikombe gitegura Shampiyona n’icya Play-offs mu gihe mu mwaka ushize yayihesheje kwegukana Shampiyona ku nshuro ya kabiri ndetse n’igikombe cya Playoffs.

Muri uyu mwaka, Mwinuka yafashije Patriots BBC gutwara Shampiyona ku nshuro ya gatatu bari kumwe ndetse asize ayigejeje mu ijonjora rya kabiri ryo gushaka tike y’imikino ya Basketball Africa League, aho yatsinze imikino ine yakiniye muri Tanzania.

Ubuyobozi bwa Patriots BBC bwatangaje ko buzatangaza gahunda z’ahazaza bufite ku wa Kabiri w’icyumweru gitaha.

Byitezwe ko Mwinuka atangazwa nk’Umutoza mukuru wa REG BBC mu minsi mike nk’uko amakuru atandukanye abivuga.

Mbere yo kuza mu Rwanda mu 2015, yabaye umutoza wa University of Dar es Salaam Basketball Club hagati ya 2003 na 2006 na Savio Basketball Club hagati ya 2007 na 2008.

Yabaye kandi umutoza wungirije mu ikipe y’igihugu ya Tanzania hagati ya 2009 na 2010 ndetse n’Umutoza wa Kampala International University hagati ya 2011 na 2015.

Henry Mwinuka yatandukanye na Patriots BBC nyuma y’imyaka ine
Uyu mutoza ukomoka muri Tanzania asize ahesheje Patriots BBC ibikombe bitatu bya Shampiyona

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .