Iyi mikino yaberaga i Dakar muri Sénégal, kuva tariki ya 6 kugeza kuya 15 Ukuboza 2024.

Iri rushanwa ryarangiye, Ferroviário Maputo ihigitse andi, by’umwihariko Al Ahly yo mu Misiri yatsinze ku mukino wa nyuma amanota 81-72 yegukana iri rushanwa ku nshuro ya gatatu nyuma ya 2018 na 2019.

APR WBBC yari ihagarariye u Rwanda, yegukanye umudali w’umuringa nyuma yo gutsinda bigoranye ASC Ville de Dakar amanota 96-94, uba umudali wa mbere yegukanye.

Muri iri rushanwa ryo mu 2022, Ikipe y’Ingabo yabaye iya nyuma, mu 2023 ntiyabashije kwitabira, mu gihe uyu mwaka yegukanye umudali w’umuringa.

Indi kipe yari ihagarariye u Rwanda ni REG WBBC yari yabaye iya kane mu mwaka ushize, ariko uyu ntabwo yitwaye neza kuko yasoreje ku mwanya wa gatandatu, nyuma yo gutsindwa na Friends of Basketball Association yo muri Côte d’Ivoire amanota 55-47.

Umunya-Canada, Shaina Pellington wa APR WBBC yabonetse mu bakinnyi batanu beza b’irushanwa ndetse aba uwaritsinzemo amanota menshi.

Ferroviário Maputo yegukanye igikombe n'umudali wa zahabu

Ferroviário Maputo yegukanye iri rushanwa ku nshuro ya gatatu

Abakinnyi ba Ferroviário Maputo bishimira intsinzi

Al Ahly yegukanye umudali wa feza

Ku nshuro ya mbere mu mateka, APR WBBC yegukanye umudali w'umuringa muri AWBL

Shaina Pellington (ubanza iburyo), ari mu bakinnyi beza b'irushanwa

Shaina Pellington yahembwe nk'uwatsinze amanota menshi bimushyira mu ikipe nziza y'irushanwa