BK Basketball NL: Ndizeye Gaston na Kantore batowe nka MVP, hatangazwa abagize ikipe y’umwaka (Amafoto&Video)

Yanditswe na Eric Tony Ukurikiyimfura
Kuya 2 Ugushyingo 2019 saa 12:10
Yasuwe :
0 0

Ndizeye Ndayisaba Dieudonné ‘Gaston’ wa Patriots BBC ni we watowe nk’umukinnyi w’umwaka mu cyiciro cy’abagabo muri Shampiyona ya Baskteball iterwa inkunga na Banki ya Kigali PLC.

Ni mu muhango wabereye muri Kigali Arena ubwo habaga umukino w’intoranywa za Shampiyona ya Basketball ya 2018/19 ‘BK All-Star’ wahuje ikipe iyobowe na Mugabe Aristide n’iya Nijimbere Guibert.

Ndizeye Dieudonné uri mu bafashije Patriots BBC gutwara Igikombe cya Shampiyona, yatowe nk’umukinnyi w’umwaka mu bagabo mu gihe mu bagore umukinnyi w’umwaka yabaye Kantore Sandra ukinira APR WBBC, na yo yatwaye igikombe.

Abakinnyi bagize Ikipe y’Umwaka mu Bagabo ni: Nshobozwabyosenumukiza Jean Jacques Wilson (REG BBC), Nijimbere Guibert (IPRC Kigali), Ndizeye Ndayisaba Dieudonné (Patriots BBC), Niyonsaba Bieuvenu (APR) na Kasongo Junior Aubin (Patriots BBC) mu gihe umutoza w’umwaka yabaye Mwinuka Henry wamaze kugirwa umutoza wa REG BBC nyuma yo guhesha igikombe Patriots BBC.

Ikipe y’Umwaka mu Bagore igizwe na Kantore Sandra (APR), Micyomyiza Rosine (The Hoops), Imanizabayo Laurence (The Hoops), Urwibutso Nicole (IPRC South) na Umugwaneza Charlotte (APR WBBC) mu gihe umutoza witwaye neza yabaye Mutokambali Moïse wa The Hoops.

Ibindi bihembo byatanzwe:

Imanizabayo Laurence wa The Hoops ni we wahembwe nk’uwitwaye neza mu gutsinda amanota atatu mu bagore.

Sangwe Armel ni we wegukanye iki gihembo mu bagabo (yakiniraga Espoir BBC kuri ubu yasinyiye APR BBC).

Ndizeye Dieudonné wa Patriots BBC, yahawe igihembo nk’uwahize abandi muri Slum dunk

Umusifuzi wazamuye urwego: Gaju Kirezi Samuel

Umusifuzi w’umugore wazamuye urwego: Mukandanga Olive

Abakinnyi bahawe igihembo cya miliyoni imwe no kuba ambasaderi wa Banki ya Kigali:

  • Umukinnyi utanga icyizere mu bagore ni: Mwizerwa Faustine (The Hoops)
  • Myugariro mwiza w’umwaka mu bagore: Uwimana Asma (APR )
  • Uwatsinze amanota menshi: Umugwaneza Charlotte (APR)
  • Uwatsinze amanota atatu kurusha abandi: Imanizabayo Laurance (The Hoops)
  • Umukinnyi wazamuye urwego mu bagabo: Nshobozwabyosenumukiza Jean Jacques Wilson (REG BBC)
  • Myugariro w’umwaka: Niyonsaba Bieuvenu (APR)
  • Umukinnyi watsinze amanota menshi: Niyonkuru Pascal ’Kaceka’ (APR )
  • Uwatsinze amanota atatu kurusha abandi: Sangwe Armel (Espoir FC, azakinira APR ubutaha)
Ndizeye Dieudonné yatowe nk'umukinnyi w'umwaka mu bagabo
Abagize ikipe y'umwaka mu bagore
Kantore Sandra wa APR WBBC ni we wabaye umukinnyi w'umwaka mu bagore
Henry Mwinuka na Mutokambali ni bo batoza bitwaye neza mu bagabo no mu bagore
Kasongo, Niyonsaba, Nshobozwa, Nijimbere na Ndizeye ni bo bagize ikipe y'umwaka mu bagabo
Abakinnyi bitwaye mu cyiciro cy'abagore na bo bashimiwe

Amafoto: Uwihanganye Hardi


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza