Uyu mukinnyi w’imyaka 17 ni umwe mu bari kubica muri Shampiyona ya Basketball yo mu mashuri yisumbuye muri Leta Zunze Ubumwe za Amerika, aho akinira Highland School yo muri Leta ya Virginia.

Abinyujije ku mbuga nkoranyambaga ze, Ament yerekanye ko uru ruganda baheruka kugirana amasezerano rwamukoreye inkweto ya mbere iri mu mabara y’igihugu cye.

Yagize ati “Ku bw’igihugu cyanjye.”

Iyi nkweto yiswe ‘Reebok Engine A Rwanda PE,’ igizwe n’amabara arimo umuhondo, icyatsi n’ubururu. Hejuru ahajya imishumi hariho ibendera rito ry’u Rwanda ndetse n’ikirango (logo) y’uyu mukinnyi.

Nate Ament aheruka gushyirwa ku mwanya wa kane mu bakinnyi 100 beza bakiri bato muri Amerika. Ni umwe mu batanga icyizere ndetse byatangiye kuvugwa ko ashobora kuzatekerezwaho muri ‘NBA draft’ mu 2026.

Mu mwaka ushize, uyu mukinnyi ufite nyina w’Umunyarwanda yaserukanye n’Ikipe y’Igihugu ya Leta Zunze Ubumwe za Amerika y’abatarengeje imyaka 18, mu mikino ya ‘2024 FIBA U-18 Americas Championship’ banegukanyemo umudali wa zahabu.

View this post on Instagram

A post shared by Sole Retriever (@soleretriever)

Reebok yakoreye Nate Ament inkweto iri mu mabara y'u Rwanda akomokamo

Nate Ament ni umwe mu bakinnyi batanga icyizere

Nate Ament aheruka gusinyana amasezerano na Reebok iri mu nganda zikomeye ku Isi