00:00:00 IGIHE NETWORK KN KINYARWANDA EN ENGLISH FR FRANCAIS

Basketball: Mpoyo yahembwe nk’umukinnyi w’umwaka; abitwaye neza muri shampiyona barashimirwa (Amafoto)

Yanditswe na Byiringiro Osée Elvis
Kuya 25 Nzeri 2022 saa 11:32
Yasuwe :

Umukinnyi wa REG BBC, Axel Mpoyo yabaye umukinnyi mwiza w’umwaka muri Basketball y’u Rwanda,mu birori byo gusoza umwaka w’imikino 2021/22.

Ni umuhango wabanjirijwe n’umukino w’intoranywa wabaye kuri uyu wa Gatandatu tariki 25 Nzeri 2022, warangiye ikipe yari iyobowe na Mpoyo itsinze iya Hagumintwali Steven amanota 126-116.

Nyuma y’uyu mukino hakurikiyeho guhemba abakinnyi bitwaye neza mu mwaka w’imikino wa 2021/22 mu bakobwa n’abahungu.

Ku ikubitiro habanje guhembwa abakobwa bitwaye neza ku giti cyabo, maze Muganza Mireille Nyota wa REG Women Basketball Club aba umukinnyi mwiza w’umwaka.

Micomyiza Rosine Cisse wa The Hoops yegukanye igihembo cy’uwatsinze amanota atatu kenshi, Umugwaneza Charlotte wa APR WBBC ahembwa nk’umukinnyi wugariye neza kurusha abandi.

Muganza Nyota Mireille yabaye umukinnyi watsinze amanota menshi, mu gihe Dusabe Jane yahembwe nk’umukinnyi wazamuye urwego kurusha abandi.

Umutoza w’umwaka mu bagore yabaye Mukaneza Espérance utoza REG WBBC yatwaye igikombe cya shampiyona.

Ikipe y’umwaka mu bakobwa yabaye Nsanzabaganwa Nelly (APR), Kantore Sandra Dumi (REG), Nezerwa Ines (REG), Kalanga Betty (REG) na Muganza Nyota Mireille (REG).

Mu cyiciro cy’abagabo, Axel Mpoyo wa REG BBC niwe wahembwe nk’umukinnyi mwiza w’umwaka. Munyeshuri Thierry (Espoir BBC) yahembwe nk’uwatsinze amanota atatu menshi kurusha abandi, Frank Betoudji Kamndoh (Shoot for the Stars) aba uwatsinze amanota menshi ndetse n’umukinnyi wugariye neza.

Turatsinze Olivier (IPRC-Kigali) we yahembwe nk’umukinnyi wazamuye urwego.

Ikipe y’umwaka mu bagabo yajemo Adonis Filler (REG), Kenneth Gasana (Patriots), Steve Hagumintwali (Patriots), Axel Mpoyo(REG) na Pitchou Manga (REG).

Umutoza w’umwaka mu bagabo yabaye Henry Dennis Newton Mwinuka utoza REG BBC.

Axel Mpoyo ahabwa igihembo cy'umukinnyi witwaye neza mu mwaka
Frank Betoudji Kamndoh (Shoot for the Stars) yahembwe nk'uwatsinze amanota menshi ndetse n’umukinnyi wugariye neza
Abakinnyi batanu batoranyijwe nk'ikipe y'umwaka mu bagabo
Kantore Sandra ni umwe mu bakobwa baje mu ikipe y'umwaka
Micomyiza Rosine Cisse yahembwe nk'umukinnyi watsinze amanota atatu kenshi
Mukaneza Esperance yabaye umutoza w'umwaka mu bagore
Munyeshuri Thierry yahembwe nk'umukinnyi watsinze amanota atatu menshi
Turatsinze Olivier ahembwa nk'umukinnyi wazamuye urwego kurusha abandi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .