00:00:00 IGIHE NETWORK KN KINYARWANDA EN ENGLISH FR FRANCAIS

Basketball: LeBron James yongereye amasezerano muri Lakers kuri miliyoni 97$

Yanditswe na Iradukunda Olivier
Kuya 18 August 2022 saa 06:22
Yasuwe :

Los Angeles Lakers yongereye LeBron James amasezerano y’imyaka ibiri kuri miliyoni 97.1 z’Amadolari na kugira ngo azagumane nayo kuzageza mu mpeshyi y’umwaka w’imikino wa 2024-2025.

Ibi byatangajwe n’Umuyobozi Mukuru wa Klutch Sports ireberera inyungu z’uyu mukinnyi, Rich Paul, avuga ko kuri uyu wa Gatatu aribwo LeBron James ukinira ikipe ya Los Angeles Lakers yongereye amasezerano.

Ibi byatumye James aba umukinnyi winjije amafaranga menshi mu mateka ya NBA. Amasezerano amaze gusinya yose hamwe angana na miliyoni 532 z’Amadolari yakuye muri uyu mwuga. Ibi byatumye asiga cyane Kevin Durant wari umuri imbere.

Nubwo yegereje imyaka 38, James akomeje kuba umukinnyi wo ku rwego rwo hejuru muri NBA Ndetse no kuba umukinnyi ngenderwaho wa Los Angeles Lakers.

Kugeza ubu James ntabwo yemerewe kugurishwa mu 2022-2023 nk’uko ibikubiye mu masezerano ye bibivuga.

James asinye amasezerano nyuma y’uko imfura ye Bronny yinjiye mu mwaka wa mbere w’amashuri yisumbuye, bimugira umukinnyi wemerewe gukina muri NBA mu 2024.

James yatangaje inshuro nyinshi ko yifuza kuzafatanya n’umuhungu we mu marushanwa ya NBA mbere y’uko asezera.

LeBron James yongereye amasezerano muri Lakers kuri miliyoni 97$

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .