Ni umukino wabaye kuri uyu wa Kabiri, tariki ya 3 Nzeri 2024, mu mukino wa mbere w’Itsinda C rusangiye na Afurika y’Epfo yakiriye, Maroc ndetse na Zambia.

U Rwanda rwitwaye neza cyane mu ntangiriro z’umukino kuko rwatsinze amanota 24-12, bikarufasha kwinjira mu ka kabiri na nk rwitwayemo neza rukagasoza ari 50-29.

Aka kane ndetse n’aka nyuma rwahanganye no kutinjizwa amanota menshi ku buryo rwatsindwa umukino ndetse rubigera ruwegukanye kuri 81-64.

Kayijuka Dylan Lebson wakinnye iminota 37 agatsinda amanota 25 na Rebound 14 na Sean Williams wakinnye iminota 20 agakora amanota 22 na Rebound eshanu, bafatanyije kuyobora bagenzi babo begukana umukino.

Aba bakinnyi bombi bari muri bane bongewemo nyuma mu Ikipe y’Igihugu kuko basanzwe banakina Basketball muri Leta Zunze Ubumwe za Amerika.

Abasore b’Umutoza Murenzi Yves bazasubira mu kibuga ku wa Gatanu, tariki ya 6 Nzeri, bakina na Maroc mbere yo guhura na Zambia mu cyumweru gitaha.

Ingimbi z’u Rwanda zatangiye Igikombe cya Afurika cy’Abatarengeje imyaka 18 muri Basketball zitsinda iza Afurika y’Epfo amanota 81-64.

Kayijuka Dylan Lebson yatsinzemo amanota 25 naho Sean Williams atsindamo 22. pic.twitter.com/ilx40VfK86

— IGIHE Sports (@IGIHESports) September 3, 2024

Abakinnyi Afurika y'Epfo yifashishije

Abakinnyi bahagarariye u Rwanda mu Mikino Nyafurika y'Abatarengeje imyaka 18

Nshimiye Joseph ahanganye n'abakinnyi ba Afurika y'Epfo

U Rwanda rwitwaye neza mu mukino wa mbere w'amatsinda

Kayijuka Dylan ni umwe mu bakinnyi bafatiye runini Ikipe y'u Rwanda

Abakinnyi b'u Rwanda binjiranye imbaraga mu mukino