Harabura iminsi icyenda gusa ngo u Rwanda rwakire imikino ya FIBA Women’s Basketball World Cup 2026 Pre-Qualifying Tournaments, izabera i Kigali kuva tariki 19 kugeza ku ya 25 Kanama 2024 muri BK Arena.

Amakipe y’inkwakuzi yamaze kugera mu Rwanda kugira ngo atangire imyiteguro hakiri kare ndetse Great Britain yo yatangiye gukorera imyitozo muri Petit Stade iherutse kuvugururwa.

Mu ijoro ryo ku wa 16 Kanama 2024, abakinnyi b’Ikipe y’Igihugu y’Abagore ya Hungary bageze ku Kibuga Mpuzamahanga cy’Indege cya Kigali.

Hungary ni yo kipe ya mbere yageze mu Rwanda mu zo biri mu itsinda rimwe kuko Brézil, Philippine na Sénégal zitarahagera ariko biteganyijwe ko zihagera hagati ya tariki ya 16 na 17 Kanama 2024.

Umukino wa mbere uteganyijwe tariki 19 Kanama 2024, aho u Rwanda ruzakina na Lebanon, ku wa 22 Kanama 2024.

Great Britain yabaye ikipe ya mbere yageze mu Rwanda

Ubwo abakinnyi ba Great Britain bageraga mu Rwanda

Akanyamuneza kari kose ku bakinnyi ba Hungary bageze mu Rwanda

Hungary yabaye ikipe ya kabiri igeze mu Rwanda mu zizakina FIBA Women’s Basketball World Cup 2026 Pre-Qualifying Tournaments

Imyitozo ya Great Britain iri kubera muri Petit Stade

Great Britain iri kwitegura umukino wa mbere w'ijonjora ry’ibanze yo gushaka itike y’Igikombe cy’Isi mu Bagore

Ikipe ya Great Britain irimbanyije imyitozo