Zamalek yari yatwaye BAL ya 2021 itsinze US Monastir. Muri BAL ya 2022, US Monastir yigaranzuye Zamalek muri ½ cy’irangiza muri BK Arena.

FAP yageze ku rwego rwo guhatanira umwanya wa gatatu nyuma y’uko muri ¼ yakuyemo REG BBC mbere yo gutsindwa na Petro de Luanda muri ½ cy’irangiza.

Mu mukino wo guhatanira umwanya wa gatatu, Zamalek yayoboye uduce twose tw’umukino, amanota make yatsinze mu gace ni 19. Amenshi yabaye 32.

Darryl Eugene "D. J." Strawberry Jr wa Zamalek yatsinze amanota menshi mu mukino agera kuri 20, anatanga imipira itanu yavuyemo amanota.

Strawberry wanatumye imipira itanu itinjira mu nkangara (Rebounds), niwe wahise aba umukinnyi w’umukino (MVP).

Muri uyu mukino, abakinnyi batatu banganyije amanota bose batsinda 17. Abo ni Michael McKinney, Edgar Sosa bakinira Zamalek.

Charles Arnaud Minlend wa Forces Armées et Police Basketball yatsinze amanota 17 anaba umukinnyi watsinze amanota menshi muri iyi kipe.

Michael McKinney niwe warushije abandi gutanga imipira ibyara amanota kuko yabikoze inshuro 10.

Zamalek yasoje ku mwanya wa gatatu wari ufitwe na Petro de Luanda yageze ku mukino wa nyuma uyu mwaka.

FAP yasoje ku mwanya wa kane wari ufitwe na Patriots Basketbal Club itarabonye itike y’uyu mwaka.

Umukino wa nyuma wa BAL 2022 urakinwa kuri uyu wa Gatandatu tariki 28 Gicurasi 2022 guhera Saa kumi n’ebyiri z’umugoroba muri BK Arena.

Joel Almeida wa FAP yatsinze amanota 14 mu mukino akaba umukinnyi wazonze REG BBC muri 1/4

Joel Almeida yari umukinnyi witonderwaga n'abakinnyi ba Zamalek

FAP yasoje ku mwanya wa kane umwanya wari ufitwe na Patriots BBC mu 2021

Kapiteni wa Zamalek, Cedro Kenfack umwe mu bakinnyi bagaragaje ubuhanga muri iri rushanwa

Charles Arnaud Minlend wa Forces Armées et Police Basketball yatsinze amanota 17 mu mukino

Anas Mahmoud yagizwe umukinnyi wagaragaje imyitwarire yuje ubworoherane mu kibuga

Amafoto: Shema Innocent na BAL