00:00:00 IGIHE NETWORK KN KINYARWANDA EN ENGLISH FR FRANCAIS

BAL 2022: Ibyo wamenya kuri Petro de Luanda itegerejwe mu Rwanda

Yanditswe na Mihigo Saddam
Kuya 14 May 2022 saa 04:17
Yasuwe :

Atlético Petróleos de Luanda izwi cyane nka Petro de Luanda Basketball Club, ni ikipe y’ubukombe muri Basketball ya Angola kuva yashingwa mu myaka 42 ishize. Petro de Luanda izakina BAL ya 2022 itegerejwe mu Rwanda.

Petro de Luanda ni imwe mu makipe umunani azakina irushanwa rihuza amakipe y’ubukombe mu bihugu byayo, kuva tariki 21-28 Gicurasi 2022.

Aya makipe azaba akina BAL ku nshuro yayo ya kabiri yikurikiranya kuko iya 2020 yakinwe mu 2021 yasoje ku mwanya wa gatatu.

Petro de Luanda Basketball Club yashinzwe muri Mutarama 1980 mu mujyi wa Luanda muri Angola.

Kuva yashingwa yambara imyenda irimo amabara y’ubururu, umuhondo n’umutuku kimwe n’ikipe yabo y’umupira w’amaguru yakinwemo n’umunyarwanda Tuyisenge Jacques.

Iyi kipe yaboneye itike ya BAL 2022 mu gice cya Nile Conference, ifite ibikombe 15 bya shampiyona ya Angola byabanjirijwe n’icyo yatwaye imaze imyaka icyenda ishinzwe.

Petro ni na yo ifite igikombe cya shampiyona y’umwaka w’imikino 2021-2022, cyikurikiranya n’icya 2020-2021 na 2019-2020. Imaze kuba iya kabiri muri shampiyona inshuro zirindwi ndetse isanzwe inafite iy’umupira w’amaguru ibitse ibikombe bibiri (byo mu 2004 na 2005) by’irushanwa ry’Umujyi wa Luanda ikaba yararibayemo iya kabiri inshuro imwe (2012).

Ibitse ibikombe icyenda biruta ibindi muri Angola (Wlademiro Romero Super Cup). Ku rwego rwa Afurika, Petro de Luanda yatwaye ibikombe bibiri birimo icyo iheruka mu 2006 na 2015.

Mu mikino ya BAL ya 2020 yakinwe mu 2021, Atlético Petróleos de Luanda yasoje ku mwanya wa gatatu itsinze Patriots Basketball Club amanota 97-68.

Ku nshuro ya mbere y’iri rushanwa, Zamalek Basketball Club yo mu Misiri yatwaye igikombe itsinze US Monastir yo muri Maroc amanota 76-63 ku mukino wa nyuma.

Petro de Luanda ni imwe mu makipe ahabwa amahirwe yo kwegukana BAL 2022
Petro de Luanda ni imwe mu makipe umunani azakina irushanwa rihuza amakipe y’ubukombe mu bihugu byayo, kuva tariki 21-28 Gicurasi 2022
Ifite ibikombe 15 bya shampiyona ya Angola byabanjirijwe n’icyo yatwaye imaze imyaka icyenda ishinzwe

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .