00:00:00 IGIHE NETWORK KN KINYARWANDA EN ENGLISH FR FRANCAIS

APR WBBC yatangiye neza mu mikino y’Akarere ka Gatanu, hatahiwe REG WBBC

Yanditswe na Byiringiro Osée Elvis
Kuya 27 Nzeri 2022 saa 02:29
Yasuwe :

Ikipe ya APR WBBC yatsinze Vijana Queens amanota 64-40 mu mukino ufungura iy’Akarere ka Gatanu mu Bagore iri kubera mu Mujyi wa Dar es Salaam muri Tanzania.

Uyu mukino ufungura iy’Akarere ka Gatanu, wabaye ku wa Mbere tariki 26 Nzeri 2022.

APR WBBC iri mu makipe ahagarariye u Rwanda muri iyi mikino, yatangiye neza itsinda umukino wa mbere Vijana Queens yo muri Tanzania, amanota 64-40.

Muri uyu mukino, Kalanga Betty wa APR ni we wabaye iturufu yo gutsinda kw’iyi Kipe y’Ingabo nyuma yo gutsinda amanota 17 no gukora rebounds 17 na block ebyiri.

APR WBBC irakina umukino wa kabiri mu matsinda, ku wa Kabiri tariki 27 Nzeri 2020, ihura na Wolkite yo muri Ethiopia saa Saba za Kigali.

Usibye APR WBBC, u Rwanda runahagarariwe na REG WBBC ari na yo yegukanye Shampiyona y’Abagore muri Basketball mu mwaka w’imikino wa 2021/2022.

REG WBBC irakina umukino wa mbere mu matsinda na Young Sisters yo mu Burundi saa Kumi n’imwe ku isaha ya Kigali.

Iyi mikino izatanga itike yo kwitabira FIBA Africa Champions Cup for Women, izasozwa tariki 1 Ukwakira 2022.

APR WBBC iri mu itsinda rya kabiri hamwe na Vijana Queens yo muri Tanzania na Wolktie yo muri Ethiopia.

REG WBBC iri mu itsinda rya gatatu hamwe na Kenya Ports Authority na Young Sisters yo mu Burundi.

APR WBBC na REG WBBC ni zo zihagarariye u Rwanda mu mikino y'Akarere ka Gatanu iri kubera muri Tanzania
APR BBC yatangiye neza Imikino y'Akarere ka Gatanu

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .