Tombola y’uko amakipe agabanyije mu matsinda, yabereye muri Angola izakira irushanwa. Yakozwe hakurikijwe uko amakipe ahagaze ku rutonde rw’Ishyirahamwe rya Basketball ku Isi (FIBA).

Iyi tombola yashyize u Rwanda, Repubilika Iharanira Demokarasi ya Congo, Côte d’Ivoire na Cap-Vert mu itsinda rya mbere.

Itsinda rya kabiri rigizwe na Tunisia, Madagascar, Nigeria na Cameroun. Irya gatatu ririmo, Angola, Sudani y’Epfo, Guinea na Libya. Ni mu gihe irya nyuma ririmo Sénégal, Mali, Misiri na Uganda.

Ni itsinda ritazorohera u Rwanda kuko ukurikije urutonde rwa FIBA, ni rwo ruri hasi mu makipe ruri kumwe nayo.

Côte d’Ivoire iri ku mwanya wa kabiri muri Afurika, Cap-Vert iri ku wa karindwi, RDC ku wa 10, mu gihe u Rwanda ruri ku mwanya wa 15.

Ni ku nshuro ya karindwi u Rwanda rugiye gukina Igikombe cya Afurika, ikaba iya mbere kuva mu 2011 rudatumiwe cyangwa rucyakiriye.

U Rwanda rugiye gukina Igikombe cya Afurika ku nshuro ya karindwi

RDC yisanze mu itsinda rimwe n'u Rwanda mu Gikombe cya Afurika

Côte d'Ivoire iheruka mu Gikombe cy'Isi

Cap-Vert ni imwe mu makipe yo kwitondera muri iri tsinda

Uko amakipe agabanyije mu matsinda ya AfroBasket 2025