Zambia yakuyeho umukino yari ifitanye na Afurika y’Epfo kubera kwibasira abanyamahanga

Yanditswe na IGIHE
Kuya 4 Nzeri 2019 saa 11:06
Yasuwe :
0 0

Ishyirahamwe ry’umupira w’amaguru muri Zambia (FAZ) ryatangaje ko ryakuyeho umukino wa gicuti icyo gihugu cyari gifitanye na Afurika y’Epfo kubera ibikorwa byo kwibasira abanyamahanga bikomeje gufata indi ntera.

Abanyamahanga baba muri Afurika y’Epfo bamaze iminsi badatuje nyuma yo kwibasirwa n’abenegihugu, bakabahohotera ibikorwa byabo bigasenywa babashinja kuvogera igihugu cyabo no kubakenesha.

Umukino hagati ya Zambia na Afurika y’Epfo wagombaga kuba tariki 7 Nzeri kuri National Heroes Stadium mu mujyi wa Lusaka.

Umunyamabanga Mukuru wa FAZ, Adrian Kashala mu itangazo basohoye yavuze ko bafashe uwo mwanzuro nyuma yo kubiganiraho n’ishyirahamwe ry’umupira w’amaguru muri Afurika y’Epfo (SAFA).

Yavuze ko aho gukina na Afurika y’Epfo bahisemo gukina na Namibia, umukino wa Afurika y’Epfo ukazaba ikindi gihe.

Ibiro Ntaramakuru by’Abashinwa, Xinhua byatangaje ko FAZ yakuyeho uwo mukino kubera igitutu yashyizweho ngo yerekane ko idashyigikiye ibyo abanyamahanga bari gukorerwa muri Afurika y’Epfo.

Amaduka n’imitungo y’abanyamahanga biri kwangizwa mu bice bitandukanye bya Afurika y’Epfo, ndetse Leta isa n’aho nta ngamba zihamye yafashe ngo ibikumire.

Zambia yatangaje ko aho gukina na Afurika y’Epfo bahisemo gukina na Namibia

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza