Wilson arateganya gukora iki gikorwa ku wa Gatandatu, tariki ya 3 Gicurasi 2025, aho azaba ari kugendera mu muhanda urimo ‘tapis’ wagenewe gukoreramo siporo uherereye hafi ya Kigali Golf Resort & Villas.

Yavuze ko iki gikorwa azagikora afatanyije na Radisson Blu Hotel & Convention Centre, kigamije kurwanya kanseri no gushakira ubufasha abayirwaye.

Ati “Ndashaka kongera ubukangurambaga, ndashaka kongera amafaranga yo gutanga kuri Rwanda Cancer Relief (Umuryango utegamiye kuri leta ufasha abarwaye Kanseri ukanakora ubuvugizi ku bayirwaye mu Rwanda). Ndashaka kubafasha mu bintu bitatu bakora.”

“Icya mbere ni ugufasha abarwayi ba hano mu Rwanda kubona ubuvuzi n’imiryango yabo ikabona ubufasha. Icya kabiri ni ukugaragaza impamvu y’ubushakashatsi mu kurwanya kanseri. Ikindi ni ukongerera ubushobozi abaganga muri rusange ku buryo basobanukirwa byinshi mu bimenyetso bya kanseri kuko akenshi kuboneka kare kwabyo bitanga ibisubizo byiza.”

Willson ahamagarira buri wese kumushyigikira muri icyo gikorwa yiyemeje gukora, dore ko atari ubwa mbere abikoze kuko mu 2024 yakoze siporo yo kwiruka akoresheje ‘Treadmill’, akusanya agera kuri miliyoni 8 Frw.

Uyu mwongereza w’imyaka 46, amenyerewe cyane mu kazi ko gufotora inyoni zo mu Rwanda, ndetse mu 2023 yashyize hanze igitabo yise "Falling for the Birds of Kigali", gikubiyemo ubwoko butandukanye bw’inyoni ziboneka mu Mujyi wa Kigali.

Last year, the Walk with Will challenge brought together an incredible community, raising awareness and crucial support for cancer patients and survivors. This year, we’re back—stronger and more determined!#RadissonHotels #RadissonBluKigali #KigaliConventionCentre #WalkwithWill pic.twitter.com/KWDMcHygz6

— Radisson Blu Kigali (@RadissonKigali) April 4, 2025

Will Wilson yakusanyije miliyoni 8 Frw ubwo aheruka gukora siporo yamaze amasaha 24

Will Wilson azamara amasaha 24 agenda n'amaguru agamije kurwanya kanseri