Iyi mikino yabereye muri Gymnase ya Komite y’Igihugu y’Imikino y’Abafite ubumuga (NPC Rwanda) i Remera ku Cyumweru, tariki ya 16 Gashyantare 2025.

Mu bagabo yari yitabiriwe n’amakipe atandatu akina Shampiyona y’uyu mwaka ari yo Gasabo, Kicukiro, Musanze, Gicumbi, Bugesera na Indangamirwa.

Mu mikino yabaye, Gasabo yatsinze Kicukiro amanota 28-10, ariko na yo yihimura kuri Gicumbi iyitsinda amanota 28-10 mu gihe Bugesera yanyagiye Indagamirwa ikayitsinda amanota 48-3 naho Musanze igatsinda Gasabo amanota 34-30.

Mu bagore hakina amakipe atatu arimo Move Dream, habaye umukino umwe, aho Kicukiro yatsinze Gasabo amanota 20-10.

Iyi mikino yose yabaye yasize hamenyekanye amakipe azakina imikino ya nyuma yo guhatanira Igikombe cya Shampiyona cy’uyu mwaka w’imikino wa 2024/25.

Mu bagabo, umukino wa nyuma uzahuza Musanze na Bugesera mu gihe umwanya wa gatatu uzahatanirwa na Indangamirwa na Gasabo.

Mu bagore, igikombe kizahatanirwa na Gasabo izisobanura na Kicukiro muri iyi mikino ya nyuma izaba tariki ya 20 Mata 2025.

Mu mwaka ushize, Eagles yegukanye Igikombe cya Shampiyona mu Bagabo naho Gasabo icyegukana mu Bagore.

Gasabo izahatanira umwanya wa gatatu mu bagabo

Ikipe ya Musanze izakina umukino wa nyuma mu bagabo

Gasabo yatsinzwe na Musanze mu mukino wabaye ku Cyumweru

Ikipe ya Bugesera yitwaye neza, igera ku mukino wa nyuma mu bagabo

Kicukiro yatsindiwe ku mukino wa nyuma mu 2024

Umukino wa Kicukiro na Gasabo uba ukomeye mu bagore