Ku wa Gatandatu, tariki ya 26 Mata 2025, habayeho igikorwa cyo kwibuka aba-sportifs bazize Jenoside yakorewe Abatutsi, hatangwa ubuhamya butandukanye ku bari bariho icyo gihe.

Murangwa Eugène Eric wakiniraga Rayon Sports mu 1994, yavuze ko umupira w’amaguru wananiye abanyapolitiki bashakaga kuyinjizamo amacakubiri.

Ati “Mu gihe cy’amashyaka menshi mu Rwanda, byaragaragaraga ko hari ibyo leta yarimo itegura kuko icyo gihe amakipe yose yinjiwemo n’abantu bagize ingaruka mu makipe ariko siporo ikomeza kwihagararaho.”

“Amakipe menshi yanze kuva ku izima nubwo yanyeganyezwaga. Etincelles ni imwe mu yashegeshwe n’abafite imyumvire y’abafite politiki y’ivangura bitewe kuko hari igihe abakinnyi bazaga mu kibuga bambaye imyenda y’amashyaka.”

Murangwa yasobanuye ko amacakubiri yari amaze kubibwa mu bakinnyi n’abafana b’umupira w’amaguru ari yo yateje imvururu mu mukino wa Rayon Sports na Etincelles mu 1993.

Ati “Mu 1993, twakinnye na yo Etincelles i Kigali. Ndabyibuka twahawe penaliti ariko ntitwayumvikanaho hatangira imvururu, abakinnyi bose banga gukina basohoka mu kibuga.”

“Rudasingwa Longin wari umutoza wa Etincelles yasabye abakinnyi be kugaruka mu kibuga, ariko Interahamwe bitaga Katumbi iramanuka iva mu bafana iraza imukubita urushyi aramubwira ati ‘Wa mbwa we y’Umututsi iri kuduteza bene wanyu?”

Guhera ako kanya imvururu zahise zikara cyane ndetse na Murangwa atangira kwibasirwa na bagenzi be kuko na we yari ashyigikiye ko umukino ukomeza.

Umugoroba wo kwibuka wateguwe n’Abanyabigwi mu mupira w’amaguru mu Rwanda bahuriye mu muryango FAPA, witabirwa n’abana bakina umupira w’amaguru mu marerero atandukanye ndetse n’abayobozi b’umupira w’amaguru mu Rwanda.

Hateganyijwe n’ibindi bikorwa bizamara icyumweru birimo amarushanwa y’abato n’abakuru mu rwego rwo gukomeza kwibuka Abatutsi bazize Jenoside mu 1994.

Aba-Sportifs babarizwa no mu muziki na bo bitabiriye iki gikorwa cyo kwibuka

Abana bo mu Irerero rya Bayern Munich na bo bajyanwe gusura Urwibutse rwa Jenoside rwa Kigali

Abana basobanurirwa amateka mu buryo babasha kuyumva

Kwigisha abana amateka y'igihugu ni imwe mu nkingi z'iterambere

Abana bitwaje ibyapa bitanga ubutumwa bw'ihumure

Abenshi bari mu mupira w'amaguru mu Rwanda bihurije hamwe bajya kwibuka Jenoside yakorewe Abatutsi

Abatoza ba Bayern Munich Academy Rwanda bari gusobanurirwa amwe mu mateka ya Jenoside yakorewe Abatutsi

Abatoza barera abana mu Irerero rya Bayern Munich mu Rwanda

Ni igikorwa cyitabiriw n'abakuru n'abato

Abana bunamiye inzirakarengane zazize Jenoside yakorewe Abatutsi

Abana ba Nunga Football Academy biteguye gushyira indabo ku mva

Hashyizweho indabo ku mva nk'ikimenyetso cyo gusubiza icyubahiro Abatutsi bishwe mu 1994

Abana bari gushyira indabo ku mva ziruhukiyemo imibiri y'Abatutsi bakuwe mu bice bitandukanye by'Umujyi wa Kigali

Umulisa Joselyne yatanze ubuhamya bwe agaragaza ko kurokoka kwe kwamuhishuriye ko agomba kubera abandi uw'umumaro

Abumvise ubuhamya bwa Umulisa bababajwe n'inzira igoye yanyuzemo

Umunyamakuru Rigoga Ruth ni we wayoboye umuhango

Umulisa Joselyne yagaragaje ko ageze ku bana 1500 yigisha Tennis

Perezida wa FERWAFA, Munyantwali Alphonse, yitabiriye uyu muhango wo kwibuka abakanyujijeho mu mupira w'amaguru w'u Rwanda

Umunyamakuru Romario Abdul-Jabbar yayoboye ikiganiro ku mateka y'u Rwanda

Murangwa Eric Eugène yavuze umunsi Rudasingwa Longin akubitwa urushyi azizwa ko ari Umututsi

Perezida wa FERWAFA yasabye abato kwigira ku iterambere ry'abategura ibikorwa by'amahoro nk'ibi

Abana bo mu marerero atandukanye mu Mujyi wa Kigali yitabiriye iki gikorwa

Bamwe mu bakinnyi bamaze kumenyekana bazize Jenoside yakorewe Abatutsi

Amafoto: Yassip Esther