Kuri uyu munsi, abakirisitu bizihiza ivuka rya Yezu Kirisitu, abakinnyi n’abatoza batandukanye bifashishije imbuga nkoranyambaga zitandukanye bifuriza ababakurikira Noheli Nziza.

Bamwe muri bo ntibanategereje ko Noheli igera kugira ngo bifotozanye n’imiryango yabo nk’uko bagiye babigaragaza ku mbuga zirimo Instagram.

Wayne Rooney wakiniye Manchester United, ubu akaba atoza DC United muri Leta Zunze Ubumwe za Amerika, yasangije abamukurikira ifoto ari kumwe n’umugore we, Coleen n’abahungu babo batatu bato: Klay w’imyaka icyenda, Kit w’imyaka itandatu na Cass w’imyaka ine, bifotozanyije na Santa Claus muri Lapland UK.

Rutahizamu wa FC Barcelone, Robert Lewandowski, na we yihutiye gufata ifoto ya Noheli ari kumwe n’umuryango we.

Uyu mukinnyi uheruka gukinira igihugu cye cya Pologne mu Gikombe cy’Isi, yari yambaye ipantaro n’ikoti by’umukara ndetse n’agapira kamwegereye kugera mu ijosi aho yari kumwe n’umufasha we, Anna n’abakobwa babo Klara na Laura bashobora kuba barwaniraga impano.

Basangije ababakurikira indi foto ibagaragaza basomana, iyi yashyizwe gusa kuri Instagram y’umugore wa Robert Lewandowski.

Mohamed Salah ukinira Liverpool na we yizihije uyu munsi mukuru ari kumwe n’umuryango we aho bashyize igiti cya Noheli mu rugo. Uyu mukinnyi w’Umunya-Misiri yari kumwe n’umufasha we, Maggi n’abana babo babiri; Makka na Kayan.

Rutahizamu wa Manchester City, Erling Haaland, yagaragaje ko yakiriye impano y’ibinyobwa bidasembuye bya ‘Julebrus’ kuri uyu munsi wa Noheli.

Abandi bakinnyi barimo Neymar ukinira Paris Saint-Germain, Darwin Núňez wa Liverpool na Kai Havertz wa Chelsea na bo bizihije uyu munsi mukuru bari n’imiryango yabo.

Wayne Rooney yagiye kureba Santa Claus ari kumwe n'umugore we Coleen n'abahungu babo batatu bato

Lewandowski n'umufasha we Anna bashyize ifoto kuri Instagram bari kumwe n'abakobwa babo

Lewandowski na Anna basomana ubwo bizihizaga Noheli

Mohamed Salah yizihirije Noheli mu rugo ari kumwe n'umufasha n'abana imbere y'igiti cya Noheli

Erling Haaland yashyize hanze ifoto ye yifuriza abamukurikira kugira Noheli nziza

Haaland yerekana impano y'ibinyobwa bya Julebrus bikunzwe iwabo muri Norvege

Neymar yizihije Noheli ari kumwe n'umuryango we

Neymar ari kumwe n'umubyeyi we, Nadine Goncalves, yabwiye ko amukunda

Ni uku Darwin Nunez yizihije Noheli ari kumwe n'umuryango we

Bruno Guimaraes ukinira Newcastle ari kumwe n'umufasha we n'umwana wabo ukiri muto

Kai Havertz wa Chelsea ari kumwe n'umukunzi we Sophia

Steven Gerrard ari kumwe n'umuhungu we Lio mu cyumba cye kirimo amafoto y'abakinnyi ba Liverpool

Myugariro wa PSG, Sergio Ramos

Umutoza Mauricio Pochettino ari kumwe n'umuryango we

Jesse Lingard yasuye abarwayi ku bitaro, aha yifotozanyije n'umwana ufana Nottingham Forest

Reece James ukinira Chelsea yari yasuye ikigo gifasha ababaye cya Barnados

Jamie Redknapp yizihije Noheli ari kumwe n'umuryango we urimo umugore we, Frida Andersson, ukomoka muri Suède