Uko amakipe azahura muri Premier League byatangajwe, bwa mbere mu mateka hashyirwamo akaruhuko

Yanditswe na Eric Tony Ukurikiyimfura
Kuya 13 Kamena 2019 saa 11:04
Yasuwe :
0 0

Shampiyona y’umwaka utaha w’imikino wa 2019/20 mu Bwongereza, izatangira tariki ya 9 Kanama isozwe tariki ya 17 Gicurasi 2020, aho umukino ubimburira indi uzahuza Liverpool yabaye iya kabiri na Norwich City yazamutse mu cyiciro cya mbere uyu mwaka.

Kuri uyu wa Kane nibwo hashyizwe ahagaragara uburyo amakipe azahura mu mwaka utaha w’imikino muri Premier League, aho Manchester City yatwaye igikombe izatangirira urugendo rushya kwa West Ham United.

Andi makipe abiri yazamutse mu cyiciro cya mbere uyu mwaka, Aston Villa na Sheffield United, azakina imikino yayo ya mbere ahura na Tottenham na Bournemouth .

Ku nshuro ya mbere mu mateka y’iyi shampiyona y’u Bwongereza, amakipe azagira akaruhuko k’ibyumweru bibiri muri Gashyantare, aho hari imikino itanu izakinwa mu cyumweru kimwe, indi itanu ikinwe mu kindi, buri kipe ibona ikiruhuko cy’icyumweru itazakinamo.

Umukino ukomeye ku munsi wa mbere wa shampiyona uzahuza Manchester United na Chelsa ku Cyumweru tariki ya 11 Kanama 2019.

Liverpool na Manchester City zizahurira mu mukino wa Community Shield tariki ya 4 Kanama, iyi kipe yatwaye UEFA Champions League yongere gukina tariki ya 14 Kanama ihura na Chelsea yatwaye Europa League muri UEFA Super Cup i Istanbul.

Uko amakipe azahura ku munsi wa mbere wa Premier League 2019/20

Tariki ya 9 Kanama 2019

  • Liverpool vs Norwich City

Tariki ya 10 Kanama 2019

  • West Ham vs Manchester City
  • Bournemouth vs Sheffield United
  • Burnley vs Southampton
  • Crystal Palace vs Everton
  • Leicester City vs Wolves
  • Watford vs Brighton
  • Tottenham vs Aston Villa

Tariki ya 11 Kanama 2019

  • Newcastle United vs Arsenal
  • Manchester United vs Chelsea
Manchester United izakira Chelsea ku munsi wa mbere wa Premier League 2019/20

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza