Hari bamwe batekereza ko abayobozi bo ku rwego rwe by’umwihariko abiyeguriye Imana, badakurikira imikino ariko ntabwo ariko bimeze kuri Papa Léon XIV kuko ari umukunzi ukomeye w’imikino itandukanye.

Uyu mugabo w’imyaka 69, afana White Sox ikipe ya Baseball yo mu Mujyi wa Chicago avukamo.

Padiri Joseph Farrell babanye, yabwiye Reuters ko Papa Léon XIV akunda gukina Tennis cyane.

Ati “Ni umukinnyi wa Tennis. Nibura inshuro imwe mu cyumweru yazaga ku kibuga cyacu gukina.”

Joseph kandi yakomeje avuga ko mu mupira w’amaguru, Papa Leo XIV ari umukunzi wa AS Roma yo mu Butaliyani.

Papa Léon XIV yabaye uwa 267 watorewe kuba Umushumba Mukuru wa Kiliziya Gatolika ku Isi.

Yavutse ku wa 14 Nzeri 1955 avukira i Chicago muri Leta ya Illinois muri Leta Zunze Ubumwe za Amerika.

Papa Léon XIV ni umukinnyi wa Tennis

Mu irushanwa rya Tennis rizwi nka Italian Open, abafana bahise batangarizwa Papa Léon XIV

Papa Léon XIV ni umufana ukomeye wa AS Roma yo mu Butaliyani

Papa Léon XIV ni umufana wa Chicago White Sox y'iwabo

Papa Léon XIV yabaye Umunyamerika wa mbere watorewe kuyobora Kiliziya Gatolika ku Isi