Binyuze mu mashusho ye yashyizwe ku mbuga nkoranyambaga z’Urwego rw’Igihugu Rushinzwe Iterambere (RDB), Mohammed Ben Sulayem, yabanje kugaragaza ko ari amateka agiye kwandikwa.

Ati “Ku nshuro ya mbere mu myaka myinshi igera ku 120, amateka akomeje kwiyandika aho ku nshuro ya mbere Inteko Rusange Ngarukamwaka yacu izabera muri Afurika, mu Mujyi wa Kigali mu Rwanda. Igihe muzamara muri iki gihugu cyiza cyo muri Afurika twizeye ko kizabasigira urwibutso rutazibagirana.”

Perezida Mohammed Ben Sulayem yongeyeho ko usibye kwitabira inama, hari byinshi abantu bashobora kuzabona mu Rwanda bigendanye n’ubukerarugendo bwarwo.

Ati “Niba mushaka kuba mwazahamara iminsi irenzeho, turashimira Visit Rwanda kuko hari aho muzabona ibyiza birimo no gusura pariki y’ibirunga ituyemo ingagi zitaboneka hake ku Isi.”

Yongeyeho ko inama iteganyijwe izaba ari umwanya mwiza ku banyamuryango b’iri shyirahamwe, mu kwishimira imyaka 120 rimaze, kurebera hamwe uko umwaka washize wagenze hanategurwa utaha.

Iyi nama ya FIA izaba tariki ya 13 Ukuboza 2024, ijyana n’ibindi bikorwa by’iri shyirahamwe birimo no gutanga ibihembo ku bitwaye neza muri shampiyona zikomeye zirimo na Formula 1.

"Your visit to this beautiful African country promises to be unforgettable."

📺 @fia President, Mohammed Ben Sulayem shares a welcome message to Club Presidents, Members, and distinguished guests attending the FIA General Assemblies and Awards in Kigali next week.

Follow the… pic.twitter.com/2sJd8cqc3x

— Rwanda Development Board (@RDBrwanda) December 5, 2024

Mohammed Ben Sulayem yahaye ikaze abazitabira Inteko Rusange ya FIA mu Rwanda