Ni umukino wakinwe mu ijoro ryo ku wa Gatatu, tariki ya 7 Gicurasi 2025, ukinirwa kuri stade ya Parc des Princes ndetse ukurikirwa n’abayobozi batandukanye barimo abanyapolitiki n’abanyamupira.

Muri bo harimo Perezida Paul Kagame wari kumwe n’Umunyamabanga Mukuru w’Umuryango w’Ibihugu bikoresha Igifaransa (OIF), Louise Mushikiwabo. Hari kandi Perezida w’Ishyirahamwe rya Ruhago i Burayi (UEFA), Aleksander Čeferin n’abandi.

Perezida Kagame yari i Paris, aho yanagiranye ibiganiro na mugenzi we w’u Bufaransa, Emmanuel Macron, byibanze ku mubano w’ibihugu byombi.

Ikipe Paris Saint-Germain itike yo kuzakina uyu mukino, nyuma yo gutsinda Arsenal ibitego 2-1, ikayisezerera ku giteranyo cy’ibitego 3-1. Aya makipe ni amwe mu afitanye imikoranire na Leta y’u Rwanda binyuze muri gahunda ya ‘Visit Rwanda’.

Perezida Kagame yakurikiye umukino wa Paris Saint-Germain na Arsenal

Perezida wa UEFA, Aleksander Čeferin, na we yari yitabiriye uyu mukino ukomeye

Perezida wa Paris Saint-Germain, Nasser Al-Khelaifi, yishimira intsinzi ya Paris Saint-Germain

Arsenal yananiwe kugera ku mukino wa nyuma wa UEFA Champions League

Umuyobozi wa Arsenal, Josh Kroenke, yari muri Stade Parc des Prince yaberagamo umukino wa 1/2 cya UEFA Champions League

Umukinnyi wa Filime Omar Sy na Tony Parker wakanyujijeho muri Baskteball bakurikiye umukino wa Arsenal na PSG bizihiwe

Paris Saint-Germain yatsinze Arsenal ibitego 2-1 mu mukino wo kwishyura