00:00:00 IGIHE NETWORK KN KINYARWANDA EN ENGLISH FR FRANCAIS

Novak Djokovic yagaragaye i Dubai nyuma yo kwirukanwa muri Australie

Yanditswe na Umwali Zhuri
Kuya 17 January 2022 saa 08:51
Yasuwe :

Novak Djokovic yirukanywe muri Australie nyuma y’uko urukiko rwemeje ko adafite uburenganzira bwo kwinjira mu gihugu kuko atubahirije amategeko agenga abinjira by’umwihariko ku ngingo yo kwikingiza Covid-19.

Abacamanza bafashe uwo mwanzuro ku Cyumweru. Mu gitondo cyo kuri uyu wa Mbere, yageze i Dubai avuye i Melbourne. Djokovic w’imyaka 34 yatwawe n’indege ya Emirates.

Mbere yo kuva muri Australie, yatangaje ko ababajwe n’umwanzuro w’urukiko gusa ashimangira ko agomba kuwubaha.

Ati “Ntabwo naguma muri Australie ngo nitabire Australian Open. Ibyambayeho mu byumweru bishize ntabwo nabyakiriye neza ariko ndizera ko twese twahanga amaso umukino n’irushanwa nkunda.”

Novak Djokovic, ni we nimero ya mbere mu mukino wa Tennis ku Isi. Ntarikingiza ndetse ni umwe mu batemera iyi gahunda. Amaze kurwara Covid-19 inshuro ebyiri, ubwa mbere hari muri Kamena 2020, ubwa kabiri hari ku wa 16 Ukuboza 2021.

Abinjira muri Australie bose bagomba kuba barikingije mu buryo bwuzuye, bivuze ko bagomba kuba barabonye nibura inkingo ebyiri.

ovak Djokovic ubwo yari ageze i Dubai aherekejwe n'itsinda rigari ry'abantu bamufasha

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .