Teanna Trump yifashishije imbuga nkoranyambaga ze, ashyira hanze amashusho amugaragaza yajyanye na Nicolas Pépé gusangira amafunguro ya nimugoroba,

Ibi birashimangira ibyari bimaze iminsi bivugwa kuva muri Gicurasi 2024, ko aba bombi hari umubano wihariye bafitanye nyuma yo kubona uyu mukobwa agaragara cyane ku mukino ya Villarreal uyu mukinnyi akinira, gusa impande zombi zari zaririnze kugira icyo zibivugaho.

Teanna w’imyaka 29, ni umukinnyi wa filime z’urukozasoni wabigize umwuga dore ko ari akazi yatangiye ubwo yari agifite imyaka 18.

Bivugwa ko mu ntangiriro z’uyu mwaka, ari bwo batangiye gukundana, nyuma gato y’aho uyu mukinnyi wabuze amahirwe yo gukinira Arsenal yerekeje muri Villarreal yo muri Espagne.

Mbere yo kujya muri Villarreal, uyu mukinnyi wegukanye Igikombe cya Afurika cyabaye muri Gashyantare, yanyuze muri Nice yo mu Bufaransa nk’intizanyo ya Arsenal, imugurisha muri Trabzonspor yo muri Turukiya, na yo imutanga muri Villarreal akinira kugeza ubu.

Mu 2020, Teanna yahagaritse gukorana n’ibigo bicuruza amashusho y’urukozasoni, ahubwo ayoboka urubuga rwa OnlyFans ari na rwo ayanyuzaho kugeza ubu.

Nicolas Pépé yatangiye gukundana na Teanna Trump akigera muri Villarreal

Teanna Trump yatangiye gukina filime z'urukozasoni akiri muto

Teanna Trump ni umukinnyi wa filime z'urukozasoni wabigize umwuga

Teanna Trump ni we washyize hanze iby'urukundo rwe na Nicolas Pépé

Aho bombi batangiye gukundana, Teanna Trump, akurikirana imikino y'ikipe y'umukunzi we

Teanna Trump na Nicolas Pépé bahuriye muri Espagne

Teanna Trump ntagikorera ibigo bicuruza amashusho y'urukozasoni

Nicholas Pépé ni rutahizamu w'Ikipe y'Igihugu ya Côte d'Ivoire