Itariki Premier League izasubukuriraho yemejwe, Arsenal izatangira icakirana na Manchester City

Yanditswe na Bukuru JC
Kuya 28 Gicurasi 2020 saa 05:40
Yasuwe :
0 0

Tariki 17 Kamena 2020, ni wo munsi Shampiyona y’u Bwongereza [Premier League], ikundwa na benshi mu mpande zose z’Isi, izasubukurirwa nyuma y’amezi hafi atatu isubitswe kubera Coronavirus.

Umukino wa Aston Villa izakina na Sheffield United ndetse n’uwa Manchester City izakira Arsenal, ni yo ya mbere izabanza gukinwa. Iyi mikino ibiri ikaba ari ibirarane aya makipe afite, byatewe n’umukino wa nyuma wa EFL Cup. Namara kuyikina akazaba yujuje imikino 29 kimwe n’ayandi.

Mu nama yo kuri uyu wa Kane yahuje amakipe yose akina Premier League, ni ho havuyemo umwanzuro wo gusubukura shampiyona watowe mu buryo busesuye.

Nyuma y’imikino y’ibirarane, tariki 20 Kamena amakipe yose azasubukura shampiyona ariko birashoboka ko hari umukino uzigizwa imbere tariki 19 Kamena kubera icyifuzo cya televiziyo zerekana Premier League, uyu mukino ushobora kuba ari uwa Tottenham na Manchester United.

Ku wa 19 Gicurasi nibwo amakipe yo mu Bwongereza yasubukuye imyitozo abakinnyi bakorera mu matsinda mato bategeranye, gusa ku wa Kabiri w’iki cyumweru byaravuguruwe bemererwa gukora begeranye nk’ibisanzwe.

Arsenal izasubukura shampiyona ikina na Manchester City umukino w'ikirarane
Aston Villa izakina na Sheffield United, na wo akaba ari umukino w'ikirarane

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .