Isiganwa rya Abu Dhabi Grand Prix 2024, ni ryo rya nyuma uyu mukinnyi yagaragayemo akinira Mercedes kuko mu mwaka utaha azaba ari umukinnyi mushya wa Ferrari.

Ubuyobozi bwa Mercedes bwateguye igikorwa cyo kumusezeraho, buteranyiriza hamwe abakozi bose, Umuyobozi w’Ikipe Toto Wolff ndetse na George Russell basanzwe bakinana kugira ngo baganire bwa nyuma.

Hamilton yashimye buri wese muri iyi kipe kuko yagize uruhare mu mateka yayandikiyemo, ndetse anababwira ko azakomeza kubaba hafi cyane ko abafata nk’umuryango mushya yungutse.

Ati “Mercedes yahinduye ubuzima bwanjye. Aho nakuriye nari mfite inzozi zo kuzaba muri Formula 1 ndetse no kuba umukinnyi wa mbere ku Isi. Cyera yari njye n’ababyeyi banjye babiri, ntabwo narinzi ko nzagira abantu benshi tuzakorana, bakamfata bakanzamura bakangeza muri urwo rugendo rwo gutsindira ibihembo nka biriya.”

“Ngiye kujya mpora kuri za televiziyo mbareba aho muri hose, mbifuriza ibyiza gusa. Mbizereramo kandi nzakomeza kubizera, nimutsinda nanjye bizaba bimpesheje ishema. Kumenya ko mbafitiye icyizere mubishyire mu ntekerezo zanyu namwe. Mwarakoze cyane mwese, urukundo rwanjye murarufite kandi mu myaka iri kuza tuzongera tubonane.”

Hamilton w’imyaka 39 yasoje umwaka wa 2024 ari ku mwanya wa karindwi, akaba agomba gutangira umushya ari kumwe na Ferrari mu gihe cy’imyaka itatu.

Uyu munyabigwi na Michael Schumacher ni bo bafite agahigo ko gutwara Formula 1 inshuro nyinshi, kuko babikoze inshuro zirindwi.

One last emotional Team debrief, with Lewis, Toto and George at Brackley 🥹 pic.twitter.com/U8BTsp1TEu

— Mercedes-AMG PETRONAS F1 Team (@MercedesAMGF1) December 13, 2024

One last emotional Team debrief, with Lewis, Toto and George at Brackley 🥹 pic.twitter.com/U8BTsp1TEu

— Mercedes-AMG PETRONAS F1 Team (@MercedesAMGF1) December 13, 2024

Lewis Hamilton ntabwo azibagirwa ibihe yagiriye muri Mercedes

George Russell na Lewis Hamilton bari abakinnyi bamaze kumenyerana

George Russell yasigiwe impano na Lewis Hamilton

George Russell afite urwibutso rwa Lewis Hamilton akiri muto

Mercedes yafashije Lewis Hamilton kwandika amateka

Lewis Hamilton yatwaye Shampiyona ya Formula 1 inshuro zirindwi