00:00:00 IGIHE NETWORK KN KINYARWANDA EN ENGLISH FR FRANCAIS

Handball: Amakipe y’Igihugu yerekeje i Nairobi mu irushanwa ry’Akarere ka Gatanu

Yanditswe na Byiringiro Osée Elvis
Kuya 24 Ukwakira 2022 saa 11:30
Yasuwe :

Kuri uyu wa Mbere amakipe y’igihugu y’u Rwanda ya Handball y’abatarengeje imyaka 18 na 20 yerekeje i Nairobi muri Kenya mu irushanwa ry’akarere ka Gatanu.

Amakipe y’igihugu yaramaze iminsi icumi mu mwiherero mu Karere ka Huye mu rwego rwo kwitegura iyi mikino.

Mu mukino wa gicuti wakinwe hagati y’amakipe yombi, ikipe y’abatarengeje imyaka 20 yatsinze iy’abatarengeje imyaka 18 ibitego 36-32.

Kuwa Kabiri tariki 25 Ukwakira ni bwo Ikipe y’Igihugu y’Abatarengeje imyaka 18 izakina umukino wa mbere n’u Burundi saa Cyenda ku isaha y’i Kigali, ikurikizeho Somalia ku wa 26 Ukwakira. Umukino wa nyuma w’amatsinda uzayihuza na Uganda tariki 27 Ukwakira 2022.

Abatarengeje imyaka 20 bazakina umukino wa mbere na Djibouti tariki 25 Ukwakira 2022, saa Moya ku isaha y’i Kigali, bazakurikizeho u Burundi mu gihe bazasoreza kuri Ethiopia.

Irushanwa rya IHF Challenge Trophy ryitabirwa n’amakipe umunani agize akarere ka Gatanu ariyo u Rwanda, Kenya,Uganda, u Burundi, Ethiopia, Sudani y’Epfo, Djibouti na Somalia.

Iri rushanwa ryaherukaga kuba mu 2019, kubera Covid-19 ryari rimaze igihe ridakinwa,icyo gihe u Rwanda ni rwo rwegukanye igikombe.

Amakipe y'igihugu y'abatarengeje imyaka 18 na 20 muri Handball yerekeje i Nairobi mu mikino y'Akarere ka Gatanu

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .