Ni irushanwa ryakinwe ku wa 15 na 16 Ugushyingo 2024, ryitabirwa n’abakinnyi barenga 180 biganjemo abo muri Kenya, Ethiopia, Uganda basanzwe bakina ‘Muema Challenge’, ndetse n’Abanyarwanda.

Kugira ngo iri rushanwa rirusheho kugira ubudasa no gukomera kurushaho ku nshuro yaryo ya mbere ribereye mu Rwanda, ryahujwe n’irisanzwe rikinwa rya President’s Cup, ryitiriwe Perezida wa Kigali Golf Club kugeza ubu iyoborwa na Marcel Byusa.

Kapiteni wa Kigali Golf Club, Andrew Kulayige, yavuze ko kubera ubufatanye mu marushanwa yombi bizarushaho guteza imbere siporo ndetse n’ubukerarugendo buyishingiyeho.

Ati “Twishimiye ko abakinnyi barenga 180 bitabiriye iyi mikino. Kuzana Muema Challenge mu Rwanda, ni ikimenyetso cy’iterambere rya Golf iwacu. Iri kandi ntabwo rizazamura umukino gusa, ahubwo bizashimangira gahunda yo kuza kureba ibyiza biri mu Rwanda binyuze muri ‘Visit Rwanda’.”

Muri aya marushanwa yombi hateganyijwemo ibihembo bitandukanye birimo imodoka igenewe umukinnyi uzabasha gutera ishoti inshuro imwe rikagwa mu mwobo, mu gihe uzegukana irushanwa azahembwa agera kuri miliyoni 20 Frw.

Muema Challenge ni irushanwa ryitiriwe Perezida wa Karen Country Club yo mu mujyi wa Nairobi muri Kenya, Muema Muindi, ryatangiye gukinwa mu 2015, rikaba inshuro eshatu mu mwaka.

Abakinnyi bakinanye bafatana ifoto y'urwibutso

Alain Ngirinshuti yitegereza umwobo agiye guteramo

Alain Ngirinshuti agerageza gutera umupira uri ahantu hagoye

Ibikoresho by'abakinnyi biba biteguye

Umukino wa Golf witezweho kuzamura ubukerarugendo bushingiye kuri siporo

Itsinda ririmo Rwangombwa John riri mu yakinnye mbere

Itsinda ryarimo Perezida wa Kigali Golf Club, Marcel Byusa

Amwe mu matsinda yari agizwe n'abakinnyi batatu

Abakinnyi bose n'ababatwaza ibikapu bari biteguye irushanwa

Ishoti rya mbere rya Kayibanda Aurore mu mukino

Ku munsi wa mbere abakinnyi batangiye gukina mu gitondo cya kare

Miss Kayibanda Aurore ni umwe mu bitabiriye iri rushanwa

Ni irushanwa ryitabiriwe n'abaturutse mu bihugu birimo Kenya, Uganda, Ethiopia n'u Rwanda

Abaturutse mu bihugu bitandukanye bitabiriye irushanwa

Irushanwa rya Muema Challenge ryabereye mu Rwanda bwa mbere