00:00:00 IGIHE NETWORK KN KINYARWANDA EN ENGLISH FR FRANCAIS

FC Barcelone y’abagore yabaye ikipe ya mbere yanditse amateka yo gutsinda imikino 50

Yanditswe na Iradukunda Olivier
Kuya 26 Mutarama 2023 saa 08:45
Yasuwe :

Ikipe ya FC Barcelone y’abagore ni yo ya mbere mu mateka ya ruhago ibashije gutsinda imikino 50 yikurikiranya nyuma yo kunyagira Levante Las Planas ibitego 7-0.

Muri uyu mukino Umunya-Nigeria Asisat Oshoala yatsinze hattrick, Ana-Maria Crnogorčević ashyiramo ibindi bitego bibiri, Vicky López na Mariona Caldentey na bo batsinda ibindi bibiri byagiyemo mu gice cya kabiri.

Iyi kipe y’Abanya-Catalonia, iheruka gutsindwa umukino mu 2021, ubwo Atlético Madrid yayitsindaga 4-3 ariko kuva mu 2019 ikaba itaratsindirwa umukino n’umwe ku kibuga cyayo.

Kuva yatsindwa umukino icyo gihe, imaze kwinjiza mu izamu ibitego 247, ikaba yarinjijwe ibitego 19 gusa, bibishyira ku mpuzandengo y’ibitego byibuze bitanu ishyira mu izamu kuri buri mukino.

Mu gihe ikipe ya FC Barcelone yari kumwe n’umutoza Jonatan Giráldez wayifashe mu 2019, nta mukino n’umwe wa Shampiyona ya 2022-2023 aratakaza.

Ku rutonde kandi akaba ikipe ye iri ku mwanya wa mbere mu mikino 15, aho irusha Levente iyikurikiye amanota ane ndetse ikaba ifite umukino umwe itarakina.

Nubwo muri Shampiyona ihagaze neza, ntabwo yahiriwe muri UEFA Women Champions League, kuko yatsinzwe umukino mu matsinda yahuriyemo na Bayern Munich ibitego 3-1.

Urwego ikipe iriho n’ibihe byiza irimo, biri gutuma yandika amateka no kwigarurira abafana ku kibuga. Muri Werurwe 2022 yanditse amateka yo gukina umukino warebwe n’abantu 91.553 kuri Spotify Camp Nou, bari bahuyemo na Real Madrid.

Icyo gihe kandi na bwo byarabahiriye kuko umukino bawutsinze ku bitego 5-2. Nyuma yo kuzuza imikino 50 ya Shampiyona, yavuze ko imihigo igikomeje nubwo bikekwa ko ikinisha abakinnyi batujuje ibisabwa.”

Bati “FC Barcelone iratangaza ko ikipe y’abagore izakomeza kurwana, kandi iharanira no kwerekana ibimenyetso by’abakinnyi bayifasha mu kibuga kugira ngo ihanagurweho icyo cyasha.”

FC Barcelone y’abagore irasubira mu kibuga ku Cyumweru tariki ya 29 Mutarama 2023, ikina na Granadilla Tenerife iri ku mwanya wa 12.

Ikipe y'abagore ya FC Barcelone yanditse amateka yo kugira abafana benshi ku kibuga mu mikono y'abagore
Asisat Ashoala yatsinze hattrick mu mukino FC Barcelone y'abagore yatsinzemo umukino wa 50

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .