Kuva ku wa Mbere, tariki ya 28 Mata kugeza ku wa 4 Gicurasi 2025, ni bwo biteganyijwe ko hazaba imikino y’amarushanwa ahuza za Polisi zo mu Karere ka Afurika y’i Burasirazuba.

Muri iyi mikino izaba ku nshuro ya gatanu, u Rwanda ruzahatana muri Handball, Taekwondo na SWAT cyane ko ari yo mikino rukunze kugaragazamo ubuhanga kurenza indi.

Umuyobozi Mukuru wa Polisi y’u Rwanda (IGP) CG Felix Namuhoranye, yabahaye ubutumwa mbere yo kuva mu Rwanda, abasaba kugira imyitwarire myiza no gushaka intsinzi.

Ati “Mushobora kuba mugiye muri bake mu mubare ariko igihugu cyose kiri ku bitugu byanyu. Si Polisi y’u Rwanda muhagarariye gusa, ahubwo ni Abanyarwanda bose. Mugende mugaragaze imyitwarire myiza, ikinyabupfura gikwiriye Abanyarwanda, maze muhatane dukomeze kugwiza intsinzi.”

Imikino ya ‘EAPCCO Games’ yaherukaga kuba yabereye mu Rwanda, aho amakipe ya Polisi y’u Rwanda yegukanye ibikombe icyenda muri 13 byari byakiniwe.

Polisi y'u Rwanda yahize kwitwara neza muri 'EAPCCO Games'

U Rwanda rwitwaje n'amakipe yo mu byiciro by'abagore

Imikino ya 'EAPCCO Games' iheruka mu 2023 yabereye mu Rwanda

Imikino ihuza za Polisi zo muri Afurika y'Iburasirazuba izatangira ku wa Mbere

Ikipe ya Hanball na yo yatumwe intsinzi mu mikino ya 'EAPCCO Games'

Ntabanganyimana Antoine utoza Police HC arangaje imbere abakinnyi be

Amakipe yose yahagurutse mu Rwanda kuri uyu wa Gatanu

Ikipe ya SWAT izahagararira u Rwanda

Umuhire Yves wa Police Handball Club yajyanye na bagenzi be

U Rwanda ruzahagararirwa mu byiciro bitatu