Ku wa Kabiri, tariki ya 27 Kanama 2024, ni bwo habaye imikino ya nyuma ku kibuga mpuzamahanga cya Cricket i Gahanga.

Ku mukino wa nyuma wari utegerejwe na benshi, Malawi yatsinze Kenya, izamuka ari iya mbere.

Kenya ni yo yatangiye ishyiraho amanota, maze ishyiraho amanota 109 muri overs 20 [udupira 120].

Malawi itahabwaga amahirwe na benshi bitewe n’uko yatangiye umukino, yaje gutungurana isezerera Kenya iyitsinze ku kinyuranyo cy’abakinnyi babiri.

Ni nyuma yo gushyiraho amanota 110, Kenya yakuyemo abakinnyi umunani ba Malawi.

Malawi na Kenya zahise zizamuka muri Itsinda rya Mber aho zasanze amakipe arimo u Rwanda, Zimbabwe, Uganda, Tanzania, Nigeria na Namibie.

Ibihugu buri mu Itsinda rya Mbere bizahurira i Kigali kuva tariki ya 20 Nzeri kugeza ku wa 30 Nzeri 2024 byishakamo ikigomba kujya mu Gikombe cy’Isi.

Ikipe y'Igihugu ya Malawi yazamutse ari iya mbere nyuma yo gutsinda Kenya

Kenya yabaye iya kabiri muri iri rushanwa ryari rimaze icyumweru ribera i Kigali