Mu gitondo cyo kuri uyu wa Kabiri, tariki 11 Gashyantare 2025, nibwo hamenyekanye inkuru y’akababaro ko Kiyovu Sports yatakaje uyu mukunzi wayo.

Yaguye mu Bitaro bya Kaminuza bya Kigali, CHUK, yari arwariyemo.

Umuvugizi wa Kiyovu Sports, Minani Hemed, yahamije aya makuru y’uko uyu mugabo yazize uburwayi.

Ati "Ubuyobozi bwa Kiyovu Sports bubabajwe n’urupfu rw’umukunzi wacu, akaba n’umushyushyarugamba wa Kiyovu Sports [...], akaba azize uburwayi, yaguye mu bitaro bya CHUK."

Aziz ni umwe mu bafana bakundaga kuba hafi Kiyovu Sports mu bihe byose yaba irimo, ndetse abamuzi ku kibuga ntiyahasibaga yisize irangi nubwo ikipe ye iri ku mwanya wa nyuma.

Si Urucaca yafanaga gusa kuko yari n’umufana ukomeye w’amakipe y’u Rwanda, haba muri Ruhago, Basketball, Volleyball n’ahandi.

Ubwo Aziz yari yaherekeje Kiyovu Sports

Aziz yari umushyushyarugamba wa Kiyovu Sports

Aziz yafanaga u Rwanda no mu yindi mikino

Aziz yisigaga irangi rya Kiyovu Sports ku mikino yose

Aziz yari n'umufana w'Ikipe y'Igihugu