Ku wa 8 Ugushyingo 2024, ni bwo mu kiganiro cya Radio Rwanda kizwi nk’Urubuga rw’Imikino, humvikanyemo umwe mu banyamakuru bagikora asesengura ku bunyangamugayo bwa bamwe mu basifuzi bo mu Rwanda.

Mu ibaruwa ARAF yanditse igaragaza amwe mu magambo yakoreshejwe atarabanyuze kuko abatesha agaciro.

Bati “Mu kiganiro cyakozwe kuri iyo tariki, umunyamakuru wa RBA witwa Rugaju Reagan, yagarutse ku basifuzi muri rusange, akora icyo abanyamakuru bita ubusesenguzi ku mikorere y’abasifuzi ariko humvikanamo imvugo zirimo agasuzuguro, guharabika, gusebanya, gutesha agaciro no kwandagaza abasifuzi.”

Mu byo Rugaju yavuze harimo ko “Abasifuzi ni abantu mu buzima bwabo bize kureba hafi, iryo somo bararitora; abasifuzi ntibafite ikintu icyo ari cyo cyose cyo gutekereza ku mafuti bakoze; abasifuzi ni abantu badafite ubushobozi bwo kuganira mu ndimi zombi ku buryo wabaha imikino mpuzamahanga.”

“Abasifuzi ni abantu bahisemo ubuzima bwa gikene batazavamo. Abasifuzi ni abantu badafite ‘ubumuntu’, nta bantu b’abagabo barimo; Abasifuzi ni abantu bacirirtse n’ibindi. Muri iki kiganiro harimo n’izindi mvugo zisebanya tutarondoye mushobora kumva mu gihe muzaba mwabashije gusubira mu kiganiro twavuze.”

Mu iri kiganiro, abanyamakuru bagaruka ku makosa y’abasifuzi agaragara ku mikino itandukanye by’umwihariko muri izi ntangiriro za Shampiyona y’u Rwanda.

Turi mu #UrubugarwImikino

- APR FC yongeye kumwenyura nyuma yo gutsinda Vision FC ibitego 2-0.

- FERWAFA yavuze ku kongerera umutoza w'Amavubi amasezerano, iby'amakipe arimo Rayon Sports itariyandikishije mu Gikombe cy'Amahoro.

- Ikipe y'u Rwanda U20 yakiriwe i Kigali nk'abami… pic.twitter.com/GmQCmjFyPX

— RADIO RWANDA (@Radiorwanda_RBA) November 8, 2024

Abasifuzi bagaragaje ko babangamiwe n'amagambo yavuzwe na Rugaju Reagan mu Rubuga rw'Imikino