Bimaze kumenyerwa ko byibuze inshuro ebyiri mu kwezi abatuye mu Mujyi wa Kigali bakora Siporo Rusange mu mihanda yateganyirijwe iki gikorwa nk’uko byagenze kuri iki Cyumweru, tariki ya 27 Mata 2025.

Imihanda imwe n’imwe iba yafunzwe ku bakoresha ibinyabiziga bya moteri, igaharirwa abakoresha amaguru, amagare cyangwa ibindi bikoresho byifashishwa muri siporo.

Iyi siporo imaze no kuba umwanya w’abana n’ababyeyi ngo babe hamwe, aho benshi bagendana bari ku magare cyangwa bagenda n’amaguru, dore ko abayikorera mu Karere ka Gasabo bahurira hafi ya Kigali Height havuguruwe hakaboneka umwanya wisanzuye wo gukoreramo.

Ibi bituma abakina imikino itandukanye batabangamirana, yaba abaterura ibitemereye, abiruka, ababyina gakondo, abakina Tennis yo mu muhanda, abanyonga amagare, abakina Fencing n’indi mikino yose ifasha umuntu kugorora imitsi.

Iyi siporo iba igamije gushishikariza abaturage kwirinda indwara zitandukanye cyane cyane izitandura, aho kuri uyu munsi bahawe inama banazipimwa ku buntu.

Car Free Day ni siporo rusange yatangijwe muri Gicurasi 2016, igamije gushishikariza abatuye Umujyi wa Kigali gukunda gukora siporo bityo bakagira ubuzima bwiza, ndetse ikaba n’umwanya wo gukomeza kubungabunga ibidukikije n’ikirere.

Umunyamabanga wa Leta muri Ministeri ya Siporo, Rwego Ngarambe, yifatanyije n'abatuye mu Mujyi wa Kigali muri siporo rusange

Abantu bakorera hamwe siporo kugira ngo baterane imbaraga

Rosine Bazongere ntatangwa muri siporo rusange

Bamwe bahitamo gukoresha amagare kugira ngo bakore siporo zibanogeye

Siporo rusange imaze kuba umuco mu Rwanda

Abo mu Karere ka Kicukiro na bo ntibatanzwe muri siporo rusange

Abo mu Karere ka Kicukiro bakinnye imikino itandukanye irimo na Basketball

Hari abitwaza imipira baza gukina bageze aho bananurira imitsi

Abaturage bahurira hamwe bagakomza gukora siporo

Hari abahitamo gukora siporo baterura ibiremereye

Imigozi ifasha mu kunanura amaboko na yo iba ihari

Umukino wa Fencing ni umwe mu yigishwa muri Car Free Day

Hari abakinnye agati nk'uburyo bahisemo bwo gukora siporo

Abitabira siporo baboneraho kwipimisha indwara zitandura

Hafi ya Kigali Heights ni hamwe mu hakorerwa siporo yo kunanura imitsi

Abagize Polisi y'u Rwanda bari mu bitabira siporo rusange ubutitsa

Abanyamahanga batuye mu Rwanda bari mu bitabira siporo rusange

Umunsi wa siporo rusange utuma abantu bongera kugirana ubusabane