00:00:00 IGIHE NETWORK KN KINYARWANDA EN ENGLISH FR FRANCAIS

Ngiye kubereka icyo mfite: Ingabire Diane yabonye ikipe i Burayi

Yanditswe na Eric Tony Ukurikiyimfura
Kuya 27 Ukuboza 2022 saa 07:14
Yasuwe :

Ingabire Diane ukinira Benediction Club agiye kwerekeza i Burayi, nyuma yo kumvikana na Canyon/SRAM Team yo mu Budage.

Ingabire ni we uheruka kwegukana isiganwa ry’amagare rya “Musanze Gorilla Race” ryakinwe ku wa 16 Ukuboza 2022.

Uyu mukobwa ukinira Benediction Club y’i Rubavu, yamaze kubengukwa na Canyon/SRAM Team azakinira mu mwaka wa 2023.

Ingabire uzerekeza mu Budage mu kwezi gutaha, yavuze ko intego azajyana ari ukwerekana icyo ashoboye ndetse yizeye kwitwara neza.

Ati "Ngiye kubereka icyo mfite, nzi neza ko nzabikora, ndi kumwe n’Imana ntakidashoboka. Ni amasezerano azamara umwaka umwe. Ndabyishimiye ko ngiye kugenda hari isiganwa ntsinze imbere mu gihugu."

Abajijwe icyatumye asa n’ucitse intege nyuma yo gutsinda amasiganwa menshi akurikiranye, ariko ntiyongere gutsinda kuva atwaye Shampiyona y’Igihugu muri Nyakanga, Ingabire yavuze ko byatewe n’urwego rw’abo bahanganye.

Gusa, yemeye ko kuba yarabonye ikipe hanze y’u Rwanda agatinda kuyerekezamo, hari icyo byagabanyije ku buryo yitwaraga.

Ati "Urabizi ko burya nta we usangira n’abadakoramo, hari igihe bintu biza bigahinduka. Na byo birimo ariko ntabwo nacitse intege, narakomeje ndakora biza kwemera."

Ingabire Diane usanzwe ukinira Ikipe y’Igihugu, ni we wegukanye Rwanda Cycling Cup ya 2019 ubwo haheruka gukinwa amasiganwa menshi mu mwaka umwe.

Ikipe ya Canyon/SRAM Team agiye kwerekezamo, ni yo ikinamo Nzayisenga Valentine.

Mu masiganwa mpuzamahanga Ingabire yaserukiyemo u Rwanda muri uyu mwaka wa 2022, harimo Shampiyona Nyafurika y’Amagare yabereye mu Misiri na ’Commonwealth Games’ zabereye i Birmingham mu Bwongereza.

Ingabire Diane ukinira Benediction Club yabonye ikipe mu Budage
Ubwo Ingabire yegukanaga Rwanda Cycling Cup mu 2019
Ingabire aheruka kwegukana "Musanze Gorilla Race"
Ingabire Diane (iburyo) ari mu bakinnyi bahagarariye u Rwanda i Birmingham muri Commonwealth Games

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .