Furrer w’imyaka 18, yaguye ubwo yari mu isiganwa ryo mu muhanda ku wa Kane, aho yahise ajyanwa na kajugujugu ku bitaro kugira ngo yitabweho.

Imvura nyinshi yaguye haba isiganwa i Zurich ku wa Kane, yatumye imihanda inyerera ndetse benshi mu bakinnyi baragwa.

Mu kiganiro n’abanyamakuru cyabaye ku wa Gatanu, Umuyobozi wa Siporo mu Mpuzamashyirahamwe y’Umukino w’Amagare ku Isi (UCI), Peter van den Abeele, yavuze ko nta makuru menshi batangaza ku byabaye kuko hakiri gukorwa iperereza.

Mu muhango wo gutanga imidali wabaye ku wa Gatanu, imiziki n’indirimbo zubahiriza ibihugu ntibyacuranzwe mu gihe amabendera yururukijwe kugeza hagati.

Hafashwe kandi umunota wo guha icyubahiro Furrer, hanasomwa ubutumwa bwo kwihanganisha umuryango we.

Muriel Furrer yitabye Imana nyuma yo gukomerekera mu isiganwa ryabaye ku wa Kane

Ubwo Furrer yari mu myitozo yitegura Shampiyona y'Isi iri kubera i Zurich

Muriel Furrer yajyaga akina n'amasiganwa ya Mountain Bike