Tour de France U23: Abanyarwanda bagowe n’agace ka kabiri

Yanditswe na Manzi Rema Jules
Kuya 19 Kanama 2018 saa 10:56
Yasuwe :
0 0

Abanyarwanda baje mu myanya y’inyuma uretse Areruya Joseph wasoje ku wa 104 mu bakinnyi 155 mu gace ka kabiri k’isiganwa rya Tour de France y’abari munsi y’imyaka 23 rizwi nka ‘‘Tour de l’Avenir’’.

Tour de l’Avenir 2018 u Rwanda rwitabiriye bwa mbere, yatangiye ku wa Gatanu.

Ku munsi wa mbere, Abanyarwanda batandatu bayitabiriye bose basoje banganya ibihe n’Umudage Max Kanter wa mbere.

Agace ka kabiri kavaga ahitwa Drefféac kagana Châteaubriant ku ntera ya kilometero 137,6 ntabwo koroheye abakinnyi b’u Rwanda kuko bose basoje inyuma uretse Areruya Joseph.

Kegukanwe n’Umufaransa Alan Riou w’imyaka 21 wakoresheje amasaha atatu, iminota 11 n’amasegonda 43.

Areruya yasoje mu gikundi cy’abagera ku 120, yasizwe iminota ibiri n’amasegonda 16, Munyaneza Didier aba uwa 143 asizwe iminota umunani n’amasegonda 11.

Hakiruwizeye Samuel yabaye uwa 152 asizwe iminota 17:20 akurikirwa na Manizabayo Eric wasizwe n’uwa mbere iminota 18:11 kimwe na Mugisha Samuel naho Ukiniwabo Jean Paul René asigwa iminota 19:39.

U Rwanda rwabonye itike yo guhagararira Afurika muri iri siganwa nyuma y’aho Areruya Joseph na bagenzi be begukanye Tour de l’Avenir yabereye muri Cameroun muri Gashyantare 2018.

Tour de l’Avenir ni isiganwa rigamije gufasha kumenyera abakinnyi bakiri bato bagaragaza impano mu gusiganwa ku magare ku Isi.

Kuri iki Cyumweru abasiganwa 155, barahaguruka ahitwa Le Lude berekeza Châteaudu ku ntera ya kilometero 165,8.

Uduce dusigaje gukinwa muri Tour de l’Avenir 2018

-  Tariki 19 Kanama 2018: Le Lude › Châteaudu (165.8km)

-  Tariki 20 Kanama 2018: Team Time Trial – Orléans › Orléans (20.2km)

-  Tariki 21 Kanama 2018: Beaugency › Levroux (130.4km)

-  Tariki 22 Kanama 2018: Le Blanc › Cérilly (183.5km)

-  Tariki 23 Kanama 2018: Moutiers › Méribe (35.9km)

-  Tariki 24 Kanama 2018: Crest-Voland Cohennoz (106.2km)

-  Tariki 25 Kanama 2018: Séez › Val d’Isère (89km)

-  Tariki 26 Kanama 2018: Val d’Isère › Saint-Colomban-des-Villards Col du Glandon (150.8km)

Umufaransa Alan Riou yegukanye agace ka kabiri ka Tour de l'Avenir 2018

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza