Munyaneza ‘Mbappé’ muri Benediction y’i Rubavu izakina Tour du Rwanda 2020

Yanditswe na Eric Tony Ukurikiyimfura
Kuya 18 Gashyantare 2020 saa 09:46
Yasuwe :
0 0

Munyaneza Didier uzwi nka Mbappé ari mu bakinnyi batanu bazahagararira Benediction Ignite Team y’i Rubavu muri Tour du Rwanda 2020 izatangira ku Cyumweru tariki ya 23 Gashyantare kugeza ku ya 1 Werurwe 2020.

Tour du Rwanda 2020 igiye kuba ku nshuro ya 12, ni isiganwa rya kabiri rigiye kuba riri ku rwego rw 2.1 nyuma y’uko irya mbere ribaye mu mwaka ushize akaba ari naryo rya mbere Benediction yakinnye kuva ibaye ikipe ikina amarushanwa yo ku migabane.

Ku nshuro ya kabiri muri iri siganwa rizenguruka u Rwanda, Umutoza wa Benediction Ignite Team, Sempoma Félix yahisemo abakinnyi batanu azakoresha barimo Munyaneza Didier uzwi nka Mbappé watwaye Tour du Sénégal 2019.

Uyu mukinnyi w’imyaka 21, yari kandi mu bakinnyi 15 batoranyijwemo umukinnyi w’umwaka wa 2019 muri Afurika, ni nyuma yo kuba uwa kane muri Grand Prix Chantal Biya, akaba anaheruka kuba uwa munani muri La Tropicale Amissa Bongo.

Azakinana n’abarimo Nzafashwanayo Jean Claude watwaye Tour de la RDC mu mwaka ushize, Manizabayo Eric ‘Karadiyo’, Byukusenge Patrick na Uhiriwe Byiza Renus uheruka kuba uwa 16 muri La Tropicale Amissa Bongo 2020.

Ubwo Benediction yakinaga Tour du Rwana ku nshuro ya mbere mu mwaka ushize, yabaye iya gatandatu mu makipe yakinnye iri siganwa.

Manizabayo Eric yari yabaye uwa 22, Munyaneza Didier aba uwa 23 mu gihe Byukusenge Patrick yabaye uwa 23.

Iyi kipe akaba ari iya gatatu u Rwanda ruzaba rufite muri Tour du Rwanda 2020 nyuma ya Team Rwanda na SACA.

Munyaneza Didier ’Mbappé’ ni rimwe mu mazina akomeye azakina Tour du Rwanda 2020
Uhiriwe Byiza Renus ni umwe mu bo kwitegereza muri Tour du Rwanda 2020 ku ruhande rwa Benediction Ignite
Benediction Ignite igiye gukina Tour du Rwanda ku nshuro ya kabiri

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza