Munyaneza Didier ni we Munyarwanda waje hafi muri Tour du Sénégal

Yanditswe na Eric Tony Ukurikiyimfura
Kuya 11 Ugushyingo 2019 saa 09:45
Yasuwe :
0 0

Munyaneza Didier yabaye uwa gatanu mu gace ka mbere ka Tour du Sénégal yatangiye kuri iki Cyumweru, aho u Rwanda ruhagarariwe n’ikipe ya Benediction Excel Energy.

Muri aka gace ka mbere kareshyaga n’ibilometero 185, abakinnyi bahagurukiye ahitwa Kolda berekeza Ziguinchor.

Umudage Linert Thomas wa Embrace the World ni we watanze abandi ku murongo, akoresheje amasaha ane, iminota 44 n’amasegonda 19, arusha amasegonda ane mugenzi we Keller Herman.

Abanya-Slovakia, Canecky Marek na Kubis Lukas, baje ku mwanya wa gatatu n’uwa kane, barushwa amasegonda atandatu na 10, bakurikiwe n’Umunyarwanda Munyaneza Didier ‘Mbappé’ na we wasizwe amasegonda 10.

Manizabayo Eric ‘Karadiyo’ yabaye uwa karindwi arushwa amasegonda 17, Nzafashwanayo Jean Claude wabaye uwa 10 na Byukusenge Patrick wabaye uwa 18, bombi barushwa iminota umunani n’amasegonda 48 mu gihe Nkurunziza Yves wabaye uwa 29, we yasizwe iminota 17 n’amasegonda 41.

Tour du Sénégal igizwe n’imirambi myinshi, irakomeza kuri uyu wa Mbere hakinwa agace kayo ka kabiri, aho abakinnyi bakora intera y’ibilometero 185 bava Ziguinchor basubira i Kolda.

Mu ntangiriro z’uyu mwaka w’imikino 2019 nibwo Impuzamashyirahamwe y’umukino wo gusiganwa ku magare ku Isi ‘UCI’ yemeje Benediction Excel Energy Team nk’ikipe yo mu cyiciro cya gatatu cy’amakipe akina uyu mukino.

Benediction Excel Energy kuri ubu ya gatatu muri Afurika, yitabiriye Tour du Sénégal mu rwego rwo gushaka amanota ayifasha kuzamuka ku rutonde no kuzakina amarushanwa menshi mu mwaka utaha.

Ikipe ya Benediction Excel Energy yitabiriye Tour du Senegal

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza