Mugisha Samuel yatandukanye na Dimension Data yo muri Afurika y’Epfo

Yanditswe na Eric Tony Ukurikiyimfura
Kuya 17 Ukwakira 2019 saa 09:42
Yasuwe :
0 0

Umunyarwanda Mugisha Samuel wakiniraga ikipe y’amagare ya Dimension Data for Qhubeka yo muri Afurika y’Epfo, yamaze gutandukana nayo nyuma y’imyaka itatu yari ayimazemo.

Mugisha Samuel w’imyaka 21, yemeje aya makuru abinyujije ku rubuga rwa Twitter.

Ati” Yari imyaka itatu ndi kumwe n’Ikipe. Buri gihe birababaza iyo utandukanye n’inshuti nziza ndetse n’abo wafataga nk’abavandimwe. Ariko ni ko buri gihe bigenda, ni igihe cyo guhindura. Ndashimira buri umwe muri Dimension Data, byari byiza kubana n’ikipe nziza, mbifurije ibyiza.”

Uyu mukinnyi yatandukanye n’iyi kipe mu gihe amasezerano y’umwaka yari yongereye, yamaze kurangira.

Mugisha Samuel yaherukaga guhagarira u Rwanda muri Shampiyona y’Isi yabereye i Yorkshire mu Bwongereza mu kwezi gushize no muri Tour de Vendée yabereye mu Bufaransa tariki ya 6 Ukwakira.

Bivugwa ko uyu mukinnyi ukiri muto, watwaye Tour du Rwanda ya 2018, ashobora kwerekeza mu ikipe yo mu Bufaransa kugeza ubu itaramenyekana.

Mugisha Samuel uvuka ku Mukamira, yazamukiye muri Benediction Club y’i Rubavu mu 2016, ayivamo yerekeza muri Dimension Data yo muri Afurika y’Epfo mu 2017.

Mugisha Samuel yatandukanye na Dimension Data yari amazemo imyaka itatu
Mugisha watwaye Tour du Rwanda 2018, ashobora kujya gukina mu Bufaransa

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza