Mugisha Samuel agiye gukina mu Bufaransa

Yanditswe na Eric Tony Ukurikiyimfura
Kuya 20 Ukwakira 2019 saa 09:36
Yasuwe :
0 0

Mugisha Samuel uheruka gutandatukana n’ikipe y’amagare ya Dimension Data for Qhubeka yo muri Afurika y’Epfo, yemeje ko azerekeza muri imwe mu makipe yo mu Bufaransa mu minsi iri imbere.

Mugisha wegukanye Tour du Rwanda 2018, yaraye yongeye kwigaragza, yegukana Criterium Byemayire Lambert yakinwe kuri uyu wa Gatandatu.

Uyu mukinnyi w’imyaka 21, yakoresheje amasaha abiri, iminota 40 n’amasegonda 31 ku ntera y’ibilometero 122 basiganwe bazenguruka Umujyi wa Huye.

Nyuma yo kwegukana iri siganwa rya gatanu rya Rwanda Cycling Cup 2019, Mugisha Samuel yavuze ko yari yiyemeje kuritsinda ndetse yashimishijwe no kubigeraho.

Ati ”Intego yanjye mu gitondo yari iyo kuza kureba ko natsinda kandi biranshimishije kuba mbashije kubigeraho. Ni abana ndabaruta [Habimana Jean Eric na Rugamba Janvier] ariko no mu igare ndabarusha ibitekerezo, navuga ko nabonye abo turi kumwe mpita nkora cyane kuko ntabwo bagombaga kunsiga.”

Mugisha Samuel uherutse gutangaza ko yamaze gutandukana na Dimension Data yo muri Afurika y’Epfo, yemeje ko azerekeza mu ikipe yo mu Bufaransa azatangaza mu minsi iri imbere, namara kuyisinyira.

Ati ”Umwaka utaha ntabwo nzasubira muri Dimension Data, hari ikipe yo mu Bufaransa turi kuvugana. 100% ngomba kuyijyamo ariko ntabwo nayitangaza muri aka kanya kuko hari ibintu tukiri kuvugana, nkeka ko nka nyuma y’icyumweru nzasinya, muzabimenya.”

Uyu musore uvuka ku Mukamira, yazamukiye muri Benediction Club y’i Rubavu mu 2016, ayivamo yerekeza muri Dimension Data yo muri Afurika y’Epfo mu 2017.

Mugisha Samuel yemeje ko azajya gukina mu ikipe yo mu Bufaransa
Mugisha Samuel yegukanye Criterium Byemayire Lambert yakiniwe i Huye kuri uyu wa Gatandatu

Amafoto: Niyonzima Moïse


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza