Mugisha Moïse yabaye uwa cyenda mu gace ka kabiri ka Grand Prix Chantal Biya

Yanditswe na Bukuru JC
Kuya 19 Ugushyingo 2020 saa 05:11
Yasuwe :
0 0

Umunyarwanda Mugisha Moïse yabaye uwa Cyenda ku munsi wa kabiri w’isiganwa ry’amagare rya Grand Prix Chantal Biya riri kubera muri Cameroun gusa agumana umwenda w’umuhondo yafashe ku munsi wa mbere ubwo yasigaga abandi bose.

Ku munsi wa kabiri w’iri siganwa, abakinnyi bavuye ahitwa Akonolinga bagana Abong basoreza mu gace kitwa Mbang.

Yaje ku mwanya wa cyenda kuri uyu munsi gusa agumana umwanya wa mbere aho arusha umukurikiye amasegonda 34.

Ku rutonde rusange kandi mu icumi ba mbere hagaragaramo abanyarwanda babiri aribo Mugisha Samuel urushwa n’uwa mbere amasegonda 40 mu gihe Munyaneza Didier we ari ku mwanya wa 10 aho arushwa n’uwa mbere amasegonda 48.

Grand Prix Chantal Biya iri kuba ku nshuro ya 20 iri ku bipimo bya 2.2 ku ngengabihe y’Ishyirahamwe ry’Umukino w’Amagare ku Isi (UCI), izasozwa ku wa 22 Ugushyingo 2020, nyuma yo kuzenguruka ibilometero 699,4.

Yitabiriwe n’amakipe icyenda arimo iy’u Rwanda, Repubulika Iharanira Demokarasi ya Congo, Benin, Côte d’Ivoire, Burkina Faso, Sénégal, Mali, Dukla Banska Bystrica yo muri Slovaquie na SNH Vélo Club yo muri Cameroun.

Ubwo Team Rwanda yaherukaga kwitabira Grand Prix Chantal Biya mu mwaka ushize, Munyaneza Didier ni we Munyarwanda waje hafi, asoreza ku mwanya wa kane, anatahana umwambaro w’umukinnyi muto wigaragaje mu irushanwa.

Uduce dutanu tugize Grand Prix Chantal Biya 2020

• Ku wa 18 Ugushyingo: Agace ka mbere: Douala- Douala (95.9 km)

• Ku wa 19 Ugushyingo: Agace ka kabiri: Akonolinga- Abong-Mbang (139.5 km)

• Ku wa 20 Ugushyingo: Agace ka gatatu: Yaoundé- Ebolowa-Nkolandom (167 km)

• Ku wa 21 Ugushyingo: Agace ka kane: Zoétélé- Nkpwang-Meyomessala (116.4 km)

• Ku wa 22 Ugushyingo: Agace ka gatanu: Sangmelima- Yaoundé (166.4 km)

Mugisha Moïse aracyambaye umwambaro w'umuhondo
Mugisha arusha umukurikiye amasegonda 34

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .