00:00:00 IGIHE NETWORK KN KINYARWANDA EN ENGLISH FR FRANCAIS

Ikipe y’Igihugu yatangiye umwiherero wo kwitegura Tour du Rwanda

Yanditswe na Byiringiro Osée Elvis
Kuya 6 Mutarama 2023 saa 08:41
Yasuwe :

Ikipe y’igihugu y’Amagare yatangiye umwiherero wo kwitegura amasiganwa ya La Tropicale Amissa Bongo muri Gabon na Tour du Rwanda ziteganyijwe mu ntangiriro z’uyu mwaka.

Abakinnyi 16 nibo batangiye umwiherero kuri uyu wa Gatanu tariki 6 Mutarama 2023, uri gukorerwa mu Ikigo cy’Iterambere ry’Umukino w’Amagare kiri i Musanze (Africa Rising Cycling Center).

Ni ikipe y’igihugu yatangiye kwitegura irushanwa rya La Tropicale Amissa Bongo 2023 riteganyijwe tariki 23-29 Mutarama 2023 muri Gabon, ryari rimaze imyaka ibiri ridakinwa kubera icyorezo cya Covid-19. Iri rushanwa kandi Areruya Joseph yaritwaye mu 2018.

Aba basore kandi bari no kwitegura Tour du Rwanda 2023,iteganyijwe tariki 19 Gashyantare 2023, batarongera gukozaho imitwe y’intoki kuva yazamurirwa urwego ikajya kuri 2.1.

Abakinnyi batangiye umwiherero ni Mugisha Moise, Manizabayo Éric, Byukusenge Patrick, Kagibwami Suwayibu, Uhirwe Byiza Renus,Areruya Joseph, Masengesho, Habimana Jean Éric.

Hari kandi na Niyonkuru Samuel,Nzafashwanayo Jean Claude,Tuyizere Étienne, Nkundabera Eric,Uwiduhaye,Nsengimana Jean Baptiste,Rugamba Janvier na Muhoza Eric.

Ikipe y’igihugu y’Amagare yatangiye umwiherero wo kwitegura amarushanwa bafite muri iyi minsi
Abakinnyi 16 nibo batangiye umwiherero wo kwitegura LaTropicale Amissa Bongo na Tour du Rwanda

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .