00:00:00 IGIHE NETWORK KN KINYARWANDA EN ENGLISH FR FRANCAIS

I Nyanza hagiye gukinirwa isiganwa risoza umwaka w’umukino w’amagare

Yanditswe na Eric Tony Ukurikiyimfura
Kuya 29 Ukuboza 2022 saa 05:27
Yasuwe :

Ku wa Gatanu, tariki ya 30 Ukuboza, mu Karere ka Nyanza hazabera Isiganwa ry’Amagare "Nyanza Royal Race" risoza umwaka w’umukino w’amagare wa 2022 mu Rwanda.

Iri siganwa ni rimwe mu ategurwa n’Ishyirahamwe ry’Umukino w’Amagare mu Rwanda (FERWACY) ku bufatanye n’uturere mu rwego rwo kumenyekanisha ibikorwa byatwo n’ibyiza nyaburanga twihariye, ndetse no guteza imbere uyu mukino.

’Nyanza Royal Race’ rizakinirwa hafi yo mu Rukari, ahahoze hatuye Umwami Mutara Rudahigwa. Muri iki gihe ni hamwe mu hantu nyaburanga kandi hasurwa kubera amateka y’aho.

Iri siganwa rizitabirwa n’ibyiciro by’abagabo n’abagore mu bakuru n’abato. Amakipe18 arimo 11 y’abanyamuryango ba FERWACY, ane yatumiwe n’andi atatu asanzwe akina amarushanwa yo ku rwego rwa Afurika.

Rizatangira saa Yine za mu gitondo, aho mu bagabo bakuru ndetse n’abatarengeje imyaka 23 bazasiganwa ibilometero 119, mu gihe ingimbi n’abangavu bagasiganwa intera y’ibilometero 80.

Abangavu bazahagurikira ku Ngoro y’Abami, bafate umuhanda wo ku Rwibutso rwa Nyanza- Kwigira Museum- Akarere- ILPD- Nyanza Visitor Center- Maranatha- Ku Kinamba (Eliot) – Rerumwana - Ku Bigega - Ku Kinamba (Eliot)- Mark Cables Factory – Agakiriro - Mugonzi (Kuri 40) - Nyanza Market - Kiristu Umwami Mu Gakenyeri kwa Musinga - Mater Dei – Gatsintsino - Dayenu Hotel – Iposita – ILPD Umurenge wa Busasamana – Iposita bazenguruke inshuro eshanu.

Ingimbi ndetse n’abagore bazasiganwa kilometero 93, bazanyura mu nzira imwe n’iy’abangavu, ariko bo bazenguruke inshuro esheshatu.

Abagabo n’abatarengeje imyaka 23 bazasiganwa intera y’ibilometero ya 119, na bo bazanyura mu nzira nk’iy’abandi, bo bazenguruke inshuro umunani.

Amakipe asanzwe ari abanyamuryango ba FERWACY azitabira iri siganwa ni Fly Cycling Club, Les Amis Sportifs, Cycling Club for All, Benediction Club, Muhazi Cycling Generation, Karongi Vision Sport Center, Kigali Cycling Club, Nyabihu Cycling Team, Kayonza Young Stars Cycling Team, Cine Elmay na Bugesera Cycling Team.

Ayatumiwe ni Musanze Cycling Club, Twin Lakes Cycling Academy, Rukali Cycling Team na Impeesa Cycling Club.

Benediction Ignite, May Stars na Protouch yo muri Afurika, ni yo makipe akina amarushanwa mpuzamahanga yatumiwe muri iri siganwa rigiye gusoza umwaka wa 2022.

Nyuma y’isiganwa hateganyijwe kuba igitaramo kizabera muri Stade ya Nyanza kuva saa Cyenda kugera saa Sita z’ijoro.

Abahanzi bagitumiwemo barimo Senderi Internationa Hit n’Umuraperi Bull Dogg.

Kwinjira muri iki gitaramo ni 1000 Frw mu myanya isanzwe n’ibihumbi 10 Frw mu y’icyubahiro.

I Nyanza hagiye gukinirwa isiganwa risoza umwaka w’umukino w’Amagare mu Rwanda
Nyuma y'isiganwa hateguwe igitaramo gikomeye kizahuza abahanzi batandukanye barimo Senderi na Bulldogg

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .