00:00:00 IGIHE NETWORK KN KINYARWANDA EN ENGLISH FR FRANCAIS

Haratangira gutangazwa amakipe azakina Tour du Rwanda 2021 yabayemo impinduka

Yanditswe na Eric Tony Ukurikiyimfura
Kuya 17 Werurwe 2021 saa 08:46
Yasuwe :
0 0

Abategura isiganwa ry’amagare rizenguruka igihugu rya Tour du Rwanda, batangaje ko guhera kuri uyu wa Gatatu tariki ya 17 Werurwe 2021, batangira gutangaza amakipe 16 azitabira iry’uyu mwaka hagati ya tariki ya 2 n’iya 9 Gicurasi 2021.

Tour du Rwanda 2021 yagombaga kuba yarabaye hagati ya tariki ya 21 n’iya 28 Gashyantare, ariko yimurwa kubera icyorezo cya COVID-19.

Ubuyobozi bw’Ishyirahamwe Nyarwanda ry’Umukino w’Amagare (FERWACY) buherutse gutangaza ko nta kabuza iri rushanwa ritazongera gusubikwa.

Ku wa Kabiri, abashinzwe gutegura Tour du Rwanda batangaje ko amakipe 16 azakina iry’uyu mwaka hagati ya tariki ya 2 n’iya 9 Gicurasi 2021, atangira gutangazwa kuri uyu wa Gatatu tariki ya 17 Werurwe.

Bagize bati “Kuva kuri uyu wa Gatatu muramenya amakipe 16 azakina Tour du Rwanda 2021.”

Bakomeje bavuga ko “Mu makipe yari yatangajwe hari ayikuyemo nyuma yo guhindura amatariki ariko hari n’andi mashya yiyongereye. Ku munsi hazajya hatangazwa amakipe abiri.”

Biteganyijwe ko mu buryo amakipe azatangazwamo bahera ku makipe y’Ibihugu, hagakurikiraho ayo ku migabane n’ayabigize umwuga mu gihe bazasoreza ku makipe akina ku rwego rw’Isi.

Mu makipe 17 yari ateganyijwe kwitabira muri Gashyantare 2021, 15 yatangajwe mu Ugushyingo 2020 ntiyarimo ikipe n’imwe yo ku rwego rw’Isi (Wolrd Tour).

Umunya-Érythrée Natnael Tesfazion ni we wegukanye Tour du Rwanda 2020, yabaye hagati ya tariki ya 23 Gashyantare n’iya 1 Werurwe, akurikirwa n’Umunyarwanda Mugisha Moïse ukinira SACA.

Tour du Rwanda izaba ku nshuro ya 13 kuva ibaye mpuzamahanga, ni ku nshuro ya gatatu izaba ibaye iri ku rwego rwa 2,1, aho yitabirwa n’amakipe akomeye aturutse ku migabane itandukanye.

Iri siganwa riba kuva mu 1988, ndetse kuri ubu rizaba rikinwa ku nshuro ya 24 muri rusange.

Inzira za Tour du Rwanda 2021

  • Agace ka mbere: Tariki ya 2 Gicurasi: Kigali Arena- Rwamagana (ibilometero 115,6)
  • Agace ka kabiri: Tariki ya 3 Gicurasi: Kigali- Huye (ibilometero 120.5)
  • Agace ka gatatu: Tariki ya 4 Gicurasi: Nyanza- Gicumbi (ibilometero 171,6)
  • Agace ka kane: Tariki ya 5 Gicurasi: Kimironko - Musanze (ibilometero 123,9)
  • Agace ka gatanu: Tariki ya 6 Gicurasi: Nyagatare- Kimironko (ibilometero 149,3)
  • Agace ka gatandatu: Tariki ya 7 Gicurasi: Kigali (KBC)- Kigali (Mont Kigali) (ibilometero 152.6)
  • Agace ka karindwi: Tariki ya 8 Gicurasi:Kigali (Nyamirambo)- Mont Kigali ( ITT- ibilometero 4.5)
  • Agace ka munani: Tariki ya 9 Gicurasi: Kigali (Canal Olympia)- Kigali (Canal Olympia) (ibilometero 75,3)
Amakipe 16 azitabira Tour du Rwanda ya 2021 muri Gicurasi, aratangira kumenyekana kuri uyu wa Gatatu
Ifoto ya Team Rwanda yakinnye Tour du Rwanda 2020

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .