00:00:00 IGIHE NETWORK KN KINYARWANDA EN ENGLISH FR FRANCAIS

Ferwacy yaburiye abategura amarushanwa y’amagare mu kavuyo

Yanditswe na Byiringiro Osée Elvis
Kuya 21 July 2022 saa 10:29
Yasuwe :

Ishyirahamwe ry’umukino w’amagare mu Rwanda (FERWACY) ryatangaje ko abategura amarushanwa ndetse n’ibindi bikorwa mu mukino w’amagare, bagomba kubanza kubisabira uburenganzira.

Murenzi Abdallah uyobora FERWACY yabwiye IGIHE ko iki cyemezo cyafashwe hagendewe ku kavuyo bamaze iminsi babona, kandi abenshi bategura ayo marushanwa badakurikiza amategeko.

Yagize ati "Tumaze iminsi tubona abantu bategura ibikorwa bitandukanye byiza bya siporo yaba mu muhanda cyangwa hakoreshejwe ikoranabuhanga. Buri mukino ugira amategeko awugenga, ntabwo umuntu azabyuka ngo akoranye abantu 30 bajye mu muhanda."

Yakomeje agira ati "Tuba tugomba kureba niba afite ubwishingizi bw’abo bakinnyi cyangwa se yabwiye Polisi ngo icunge umutekano. Turabagira inama ko bakwegera federasiyo ikabafasha mu gutegura ibyo bikorwa byabo, hakurikijwe amategeko n’amabwirizwa".

Yavuze ko uzakora ibinyuranye n’amategeko azahanwa, kandi ko ubugenzuzi bugiye gukazwa.

U Rwanda rukomeje guhagarara neza mu mukino w’amagare, ndetse ikipe y’igihugu ikomeje kurushanwa ku rwego mpuzamahanga.

Ku wa Gatandatu tariki 23 Nyakanga 2022 izerekeza i Birmingham mu Bwongereza mu marushanwa y’ibihugu bikoresha Icyongereza (Commonwealth), azatangira tariki 28 Nyakanga agasozwa ku wa 8 Kanama 2022.

Ikipe y’igihugu y’abagabo igizwe na Mugisha Samuel, Muhoza Eric, Mugisha Moïse, Uhiriwe Byiza Renus na Tuyizere Etienne, mu gihe abakowa ari Ingabire Diane, Tuyishime Jacqueline na Mukashema Josiane.

Murenzi Abdallah hyatangaje ko abazarenga ku mabwiriza bagategura amarushanwa mu kavuyo bazahanwa

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .