Areruya Joseph na Munyaneza Didier mu bazatoranywamo umukinnyi w’umwaka muri Afurika

Yanditswe na Eric Tony Ukurikiyimfura
Kuya 29 Ugushyingo 2019 saa 12:10
Yasuwe :
0 0

Abakinnyi babiri b’Abanyarwanda basiganwa ku magare, Areruya Joseph na Munyaneza Didier ‘Mbappé’ batoranyijwe muri 15 bahataniye igihembo cy’umukinnyi w’umwaka wa 2019 muri Afurika.

Iki gihembo cyashyizweho n’abategura La Tropicale Amissa Bongo, cyatangiye gutangwa mu 2012, gihabwa umukinnyi w’amagare witwaye neza aho akina hose ku Isi, ariko ukomoka muri Afurika.

Akanama gakuriwe na Bernard Hinault watwaye Tour de France inshuro eshanu, abayobozi ba siporo, abatoza, abakinnyi b’amagare bo muri Afurika, abanyamakuru bo muri Afurika n’i Burayi, niko kazatora uwahize abandi uyu mwaka, aho azatangazwa tariki ya 18 Ukuboza 2019.

Kuva iki gihembo gitangiye gutangwa, cyatwawe na Natnael Berhane (2012), Louis Meintjes (2013, 2017), Mekseb Debesay (2014), Daniel Teklehaimanot (2015), Tesfom Okubamariam (2016) n’Umunyarwanda Joseph Areruya ufite icy’umwaka ushize.

Areruya Joseph wakiniraga Delko- Marseille Provence KTM yo mu Bufaransa muri uyu mwaka, muri Mata yakoze amateka yo kwitabira isiganwa rya Paris Roubaix ashyiraho agahigo ko kuba umwirabura wa mbere ukomoka muri Afurika yo munsi y’ubutayu bwa Sahara warikinnye.

Azaba ahanganye n’abarimo Munyaneza Didier wa Benediction Excel Energy uheruka kwegukana Tour du Sénégal ndetse akaba yaritabiriye n’andi masiganwa atandukanye arimo Tour du Faso na Grand Prix Chantal Biya yabereye muri Cameroun.

Harimo kandi n’Umunya-Erythrée Merhawi Kudus wegukanye Tour du Rwanda y’uyu mwaka, ku nshuro ya mbere yari ibaye iri ku rwego rwa 2.1.

Abakinnyi 15 bahataniye Igihembo cy’umukinnyi w’umwaka wa 2019 muri Afurika

  1. Areruya Joseph (Rwanda – Delko Marseille)
  2. Basson Gustav (Afurika y’Epfo – TEG)
  3. Berhane Natnael (Erythrée – Cofidis)
  4. Chokri El Mehdi (Maroc – Dimension Data for Qhubeka)
  5. Cisse Isiaka (Côte d’Ivoire)
  6. Dario Manuel Antonio (Angola – BAI Sicasal)
  7. Debesay Yakob (Erythrée)
  8. Girmay Biniam (Erythrée)
  9. Impey Daryl (Afurika y’Epfo– Michelton-Scott)
  10. Kamzong Clovis (Cameroun – SNH Vélo Club)
  11. Kudus Merhawi (Erythrée- Astana)
  12. Lagab Azzedine (Algérie– VIB Sports)
  13. Munyanyeza Didier (Rwanda)
  14. Nikiema Bachirou (Burkina Faso)
  15. ReguiguiYoucef (Algérie - Terengganu Cycling Team)
Areruya Joseph ni we wegukanye igihembo cy'umukinnyi w'umwaka muri Afurika mu mwaka ushize wa 2018
Merhawi Kudus wegukanye Tour du Rwanda 2019 na we ari mu bahataniye iki gihembo
Munyaneza Didier wa Benediction Excel Energy yatoranyijwe nyuma yo kwegukana Tour du Senegal mu minsi ishize

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza