Areruya ayoboye ikipe izahagararira u Rwanda muri La Tropicale Amissa Bongo 2020

Yanditswe na Eric Tony Ukurikiyimfura
Kuya 23 Ukuboza 2019 saa 05:19
Yasuwe :
0 0

Areruya Joseph wegukanye La Tropicale Amissa Bongo ya 2018 na Munyaneza Didier ‘Mbappé’ wegukanye Tour du Sénégal 2019, nibo bayoboye Ikipe y’Igihugu y’Amagare izitabira La Tropicale Amissa Bongo 2020 izabera muri Gabon mu kwezi gutaha.

Ikipe y’u Rwanda yatangajwe n’umutoza Sempoma Félix mu gihe habura iminsi 27 ngo rwambikane mu mihanda y’imirambi yo muri Gabon mu isiganwa mpuzamahanga ry’umukino wo gusiganwa ku magare ‘La Tropicale Amissa Bongo’ riteganyijwe hagati ya tariki 20 na 26 Mutarama 2020.

Areruya Joseph watwaye La Tropicale Amissa Bongo mu 2018, ari mu ikipe y’abakinnyi batandatu barimo Munyaneza Didier wegukanye Tour du Sénégal y’uyu mwaka.

Hari kandi Mugisha Samuel watwaye Tour du Rwanda 2018, Nzafashwanayo Jean Claude wegukanye Tour du Congo uyu mwaka, Mugisha Moïse na Uhiriwe Byiza Renus wegukanye amarushanwa y’uyu mwaka ya Rwanda Cycling Cup.

Uretse ikipe y’u Rwanda, La Tropicale Amissa Bongo 2020 izitabirwa kandi n’amakipe arimo Cofidis (France), Total-Direct Energie (France), Delko-Marseille (France), Bai-Sicasal (Angola), Pro Touch (Afurika y’Epfo), Natura4Ever–Roubaix–Lille Métropole (France), Dukla Banská Bystrica (Slovaquie), Algérie, Burkina Faso, Cameroun, Erythrée, Gabon, Cote d’Ivoire na Maroc.

Imihanda izakoreshwa muri iri siganwa ry’iminsi irindwi

  • Agace ka mbere: Bitam › Ebolowa, ibilometero 150 (Tariki 20 Mutarama 2020)
  • Agace ka kabiri: Bitam › Oyem, ibilometero 120 (Tariki 21 Mutarama 2020)
  • Agace ka gatatu: Mitzic › Ndjole, ibilometero 180 (Tariki 22 Mutarama 2020)
  • Agace ka kane: Lambarene › Mouila, ibilometero 180 (Tariki 23 Mutarama 2020)
  • Agace ka gatanu: Lambarene › Kango, ibilometero 140 (Tariki 24 Mutarama 2020)
  • Agace ka gatandatu: Circuit Port-Gentil, ibilometero 130 (Tariki 25 Mutarama 2020)
  • Agace ka karindwi: Nkok › Libreville, ibilometero 120 (Tariki 26 Mutarama 2020)
Areruya Joseph watwaye La Tropicale Amissa Bongo 2018, ayoboye ikipe y'u Rwanda izakina iya 2020
Azajyana n'abarimo Munyaneza Didier (ibumoso), we wegukanye Tour du Senegal mu kwezi gushize

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza