Ni isiganwa ryabaye kuri uyu wa 1 Ukuboza 2024, ryitabirwa n’abakinnyi 24 barimo abagabo n’abagore, bose bakora intera y’ibilometero 66 byatangiriye ndetse bikanasorezwa ku Isoko rya Kimironko.

Abakinnyi banyuze mu mihanda ya Bumbogo, Gikomero, hafi ya King Fisher ku Kiyaga cya Muhazi, Nduba, Gasanze, Masizi, inyuma yo kwa Mushimire no kuri Gereza.

Abakinnyi bose bahatanye muri iri siganwa bifashishije amagare yabugenewe mu masiganwa yo mu mihanda y’itaka (Gravel), cyangwa ayifashishwa mu masiganwa yo mu misozi (Mountain Bike).

Ishimwe Nkurayija Jean Hubert ushinzwe ibikorwa by’Ikipe ya Amani mu Rwanda, yagaragaje impamvu bahisemo gutegura iri siganwa bifuza ko rizajya riba kenshi.

Ati “Impamvu twahisemo gutangiza uyu mukino mu Rwanda ni uko Team Amani turi ikipe ikina umukino wa Gravel, ariko na none ni ukugira ngo twongere n’amarushanwa mu Rwanda.”

“Niba habaho shampiyona yo mu misozi, hakabaho iyo mu muhanda, ni byiza ko habaho n’iyo mu mihanda y’igitaka. Mu minsi iri imbere tuzagerageza uburyo bizajya bihoraho byibuze rigakinwa buri mezi abiri.”

Umunyarwanda Muhoza Eric ukinira Team Amani yo muri Kenya, wabaye uwa mbere akegukana iri siganwa, yavuze ko kuribona mu Rwanda bigiye gutuma arumenyekanisha binyuze mu yandi marushanwa mpuzamahanga yitabira.

Ati “Icyanshimishije ni uko irushanwa ryari riteguye neza, umuhanda wari umeze neza ariko byatugoyemo gake kuko hari haguyemo imvura igatera ibyondo byinshi, ariko ibyo ni ibisanzwe mu mukino.”

“Ubwo mu Rwanda hatangiye kubera iri siganwa, ni iby’agaciro cyane kuko noneho ngiye kujya mpatana nambaye umwambaro w’igihugu kuko nkinira ikipe mpuzamahanga.”

Muhoza yatwaye iri siganwa akoresheje amasaha abiri, iminota 20 n’amasegonda 12, arusha mugenzi we, Niyonkuru Samuel bakinana muri Team Amani iminota irindwi. Banzi Bukhari yabaye uwa gatatu, akurikirwa na Nshutiraguma Kevin.

Nirere Xaverine na we ukinira Team Amani mu bagore, yaje ku mwanya wa mbere akoresheje amasaha abiri, iminota 40 n’amasegonda 57, arusha Ntakirutimana Martha wa Ndabaga Cycling Team iminota 16 mu gihe Mwamikazi Jazilla yabaye uwa gatatu.

Mu Ukwakira uyu mwaka, Niyonkuru Samuel na Nirere Xaverine babaye Abanyarwanda ba mbere bitabiriye “UCI Elite Gravel World Championship” yabereye mu Bubiligi.

Nirere Xaverine ni we wahize abandi bakinnyi mu bagore

Isiganwa ryatangiriye munsi y'Isoko rya Kimironko

Nshutiraguma Kevin na Kwizera Thank you bari bafite akanyamuneza mbere yo gukina isiganwa rya Gravel bwa mbere

Abakinnyi ba Team Amani beretse igihandure andi makipe

Nshutiraguma Kevin yari yiteguye guhangana na bagenzi be

Abakinnyi ba Rafiki Bike Cine Elmay mbere yo gutangira gusiganwa

Abakinnyi ba Bugesera Cycling Team bari biteguye guhatana

Ntakirutimana Marthe na Mwamikazi Djazila ni bo baserukiye Ndabaga Cycling Team

Umutoni Sandrine ari kunyura mu mihanda igoye

Nkurayija Jean Hubert uhagarariye Team Amani mu Rwanda ahamya ko intambwe yatewe ibimburiye izindi nyinshi mu marushanwa ya Gravel

Nirere Xaverine ni umwe mu Banyarwandakazi bazwiho ubuhanga mu kunyonga igare

Abatuye Kimironko bari bakereye kureba isiganwa ry'amagare

Perezida wa FERWACY, Ndayishimiye Samson, ni umwe mu bitabiriye iri siganwa

Niyitegeka Omar wa Les Amis Sportif ayoboye bagenzi be

Abakinnyi bakoreshaga amagare akina mu mihanda y'igitaka cyangwa imisozi

Nirere Xaverine yayoboye isiganwa mu bagore

Amarushanwa akinirwa mu mihanda y'igitaka azatuma abakinnyi bayisangamo bazamura urwego

Mwamikazi Djazila na Ntakirutimana Martha bari bahagarariye Ndabaga Cycling Team

Isiganwa ryabereye mu mihanda yari yuzuyemo icyondo

Muhoza Eric yegukanye Gravel National Championship yanikiriye bagenzi be

Muhoza Eric yegukanye Gravel National Championship yakiniwe mu Rwanda ku nshuro ya mbere

Nirere yegukanye umwanya wa mbere muri iri rushanwa ryakinwe bwa mbere

Nkurayija Jean Hubert uhagarariye Team Amani mu Rwanda abona irushanwa rikwiriye kubaho inshuro nyinshi

Nirere Xaverine, Ntakirutimana Marthe na Mwamikazi Djazila ni bo bahize abandi bakobwa

Ubwo Nirere yashimirwaga

Muhoza Eric, Niyonkuru Samuel na Banzi Bukhali ni bo bihariye imyanya itatu ya mbere

Gravel National Championship igiye kujya ibera mu Rwanda inshuro nyinshi